السلام عليكم ورحمة الله وبركاته
أبدأ موضوعي بشكركل من دخلت موضوعي السابق <صدمتي في يوم ذكرى زواجي > ...
ودعت لي والله يابنات انكم اثلجتوا صدري عز الله انكم كفو ..وأنا مني اقول الله يوفقكم ويسعدكم ويرزقكم كل اللي
تتمنوه .
وبالنسبه للي يستفسرون عن سبب فراقي من وزوجي ويفكرون انها اسباب تافه .. اقول لا والله انها اسباب كبيره
<عسى الله يحلها عاجلا غير آجل > اللهم آآمييين .
ماامل من التفكيير فيه , كل ماقعدت بيني وبين حالي اتذكر سوالفنا مواقفنا مع بعض , بعض المرات وانا جالسه افكر
فيه تنزل من عيوني دموع :44:
وبعض المرات اتذكر المواقف المضحكه اللي مرت علينا واجلس اضحك والله اني اتلفت لحد يشوفني يقول ذي خبله
تضحك مع نفسها .
تذكرت موقف صارلي معه ,وحبيت اقولكم عليه .
مره من المرات قلت لزوجي انا طفشانه ودي اطلع اغير جو قال وين تبين قلت خاطري اتقهوى بكفي >>> من زماااان
عن الطلعات عشان كذا عطاني وجه .
المهم قال يالله تجهزي وطيران عالغرفه وغير ملابسي وحط شوي كحل والبس عباتي قلت في نفسي خل البس
هالمره برقع عشان يتغزل فيني وحنا بالكافي >> ابو الشباب من عشاق البراقع .
المهم طلعنا من الشقه وانا وياه نسولف ومبسوطين .. الين جينا عند مواقف السيارات ماشفت سيارتنا .
قلت لزوجي وين السياره ماني شايفتها ؟؟ قال هذي هي وياشر يابنات على هايلكس غماره :mad:
قلت نعم شتقول تبيني اركبها ..قال تبين ولا رجعنا لشقتنا >> ماصدق خبر اهون من الطلعه .
كابرت وقلت خلاص هونت مابي اروح قال اوكي وحنا راجعين للشقه .. قلت طيب خلاص نروح فيها
بس على شرط قال وشو ..قلت مابي كافي نروح للبر تهئ تهئ .>>> السياره المناسبه للمكان المناسب .
قال عز الطلب احلا واحلا .
المهم رحنا البر ومشينا فيه شوي وشاف البرقع وقام يتغزل وتحمس وغنى ماهقيت ان البراقع يفتتني ........
قال تدرين وش ناقصك قلت وشو ..قال غنم قلت واصور معاها عند الهايلكس وبروزها بسدو ..
المهم ما طولنا بالبر ساعه وحنا راجعيين قالي حبيت الهايلكس ماودي ارجعها لخويي . ودي اشتريها منه
قلت أقووول :mad:رجعها وانت ماتشوف الدرب ..قال ليه ما ودك نروح فيها البر واتغزل فيك ..قلت والله ياخوفي
طلعني من الشقه وتاخذلي خيمه وتسكني فيها وبدال الشموع والحركات ..فانوس ونامس .
بدال طقطقت النت احلب غنم .
الى هينا تمام ..البلى يوم يعلمني في السياره عن حركه سواها يوم كان مسافر مع اهله هم بسياره وهو بهايلكس
ويبي يضحكهم سواها ..قلت وشي قال اذا رجعنا البيت .
نزلنا من السياره وحنا في الاصنصير قلت يالله سوها لي خلني اضحك عليك >> ليتني نطميت .
قال اوكي شد غترته ورى اذنيه وطلع شوي قذله من قدام ومد بوزه وحول عيونه قسم بالله اني فطست ضحك
وانا ميلت خط البرقع شوي قلت كذا ناسب بعض .................
شوي انفتح الاصنصير >>>>>>>>>> ليته ذاك اليوم علق شوي ولا انفتح .
انفتح الا جارنا في وجهنا وزوجي كنه عصويد وانا مايله البرقع .
الرجال طلعت عيونه وضحك لين قال بس اول مره اشوف ضروسه جارنا ثقييييل ومطوع وانا وزوجي نحترمه لانه فارض
احترامه على الجمييع .
صد ولف الين طلعنا ودخلنا شقتنا وجلسنا على الكنبه نفكر بالموقف وشوي :icon33: يوم خلصت بكاء ضحكت
قال زوجي حظك بكيتي وارتحتي .
قال مالي وجه احط عيني بعينه دائما محترم قدامه ..المشكله في الدخله والطلعه بيكون قدامي >>لان باب بيته قدام
بابنا .
قلت الله يقطع الهايلكس خبلت فينا ..قال خلاص مافيه بعد اليوم بر ولاهايلكس انتي عالريحه .
فقط كافيههات ومطاعم ماينفع معك الا الرومنسيه قلت أخاف نتحمس في الاصنصير وينفتح علينا وحنا ..... >> ما
عندكم بيت .
قال لالالالالالالا تكفييين لاتفشيليني بالرجال .. خلاص بنطلع الدرج عشان ما يمدينا على شي خخخخخخخخخخ
<<ادعولي بالتوفيق وان ربي يسخره لي على طاعته ,ويسخرني له
على طاعته , ويلم الشمل على خييير >> .
يلزم عليك تسجيل الدخول أولًا لكتابة تعليق.
هههههههههههههههه الله يسعدكم يارب ويلم شملكم الاستغفار اختي واكثري من حمد الله على نعمه والتسبيح وقيام الليل
الله يلم شملكم ان شاءالله على خير --------------------------
وموقفكم بالاصنصير تحفه ههههههه وبسميه الاصنصيد لان جاركم صاد الموقف هع هع
وبعدين وش بلاها الهايلوكس تراها احسن من بي ام دبليو بس انتبهي لاركبتي فيها لاحد يشوفك هههههههههههههههه
وموقفكم بالاصنصير تحفه ههههههه وبسميه الاصنصيد لان جاركم صاد الموقف هع هع
وبعدين وش بلاها الهايلوكس تراها احسن من بي ام دبليو بس انتبهي لاركبتي فيها لاحد يشوفك هههههههههههههههه
والله فاتني قرات موضوعك الاول ولكن باين أنك انسانه مرحه وحبوبه والله
يسخره لكي ويخلكم لبعض
يسخره لكي ويخلكم لبعض
الصفحة الأخيرة
بس الله يلم الشمل ويهدي النفوس