يوم كنت بنوتة وكيف كانت غرفتي
طبعاً الحين في شخص ثاني مشاركني الغرفة
ومايرضى أعرض صورة غرفتي للخصوصية
وأنا لي نفس رايه
لكن بوصف غرفتي القديمة لكم
وقولي لي رايكم
وبتدخل بعدي كل وحدة وتوصف غرفتها وتقول عن مدى رضاها للغرفة أوكي
غرفتي كانت صغيرة على قدي
كان لي أثاث بلون الخشب هذا
وعباره عن سرير شخص ونص :hahaha: + كبت 5 أبواب + طاولة صغيرة جزء لللاب توب وجزء أحط عليه كتبي
وتحت الجزء المخصص للكتب في ثلاجة صغيره بيلت إن ( يعني داخل كبت صغير )
والجزء الثاني لكرسيي الصغير له تواير أحب أجلس وأفتر عليه :35:
أما الكبت فكان باب للعبايات والشيَل والجلابيات وملابس المناسبات لأنهم قلائل
بابين مقسومين فوق وتحت الجزء العلوي للقمصان والجزء السفلي للبناطلين
وباب كان لقمصان النوم
وباب عباره عن أرفف
رف = مناشف
رف = باديات
رف = عطور + مكياج
رف = أحذية وانتوا بكرامة
وكان غطاء السرير والستارة بلون الأزرق الغامق ومخطط بلون البيج
وعندي مراية طويـــله منها منظر ومنها تعوضني عن التسريحة إللي ما كنت أقدر أحطها
بسب الأحفاد عسى ربي يحفظهم من كل شر
أما التلفزيون مع الرسيفر فكان بهذي الطريقة
لأن ما كان له مكان
وعندي كنب واحد صغير بلون البيج ومخطط بكحلي وعليه كوشنة بلون الكحلي السادة
أما السقف كان فيه سبوت لايت وأنا ما أحب الإضائة الصفراء
واشترط إلا يجيب لي تويوب لايت
وعيوا خواتي وقالوا وين فاكره نفسج بالمدرسة
لكن حبيبي عسى ربي لا يخليني منه ما كسر بخاطري سوا لي جبس من أول وجديد وخلالي التيوب لايت تحت الجبس:39:
وهذي هي غرفتي المجكنمة وبأثاثها المجكنم وببساطتها
وكنت راضية عنها كل الرضى ولله الحمد
يالله ياللي بعدي أوصفي لنا :27:
والا ما عجبتكم الفكرة :(