السلام عليكم،
الله يسامحك يا دموعة>>> عورتي قلبي وانا أقرأ
صار بدي أعيط وبطني مغصني>>>خصوصا اليوم آخر يوم أبات فيه عند أهلي وبعديها على بيت زوجي.
كل هذا وانا قاعدة أحاتي خواتي وامي ريلها المكسورة وابوي رجل كبير في السن وانا كاني بهاجر مو بنفس الديرة؟؟؟
الله يصبركم ويصبرني معاكم.

دمعة حزن حرام عليكي قطعتلي قلبي انا قرات كل ردود البنات وبكل وحده بقراها بحس دمعه زياده بتنزل
انا بتزكر لما ودعت ستي وجدي الصيف الماضي حودعهم لسنتين لاني ما ر ح اقدر انزل الصيف الجاي


اخخخخخخخخخخخخخخخخخ تقطع قلبي وانا من النوع اللي ما بيبكي قدام الناس
بخبي دموعي وبصيروا لوزاتي يجعوني كتييير

وكل ما اشوف ماما بتبكي وهي بتودع ستى بيتقطع قلبي اصعب شيي وداع الام لبنتها
صعبه والله
اللله يصبر كل المغتربين ويرجعهم لاهلهم سالمين



وتزكرت كمان لما ودعت ستي ام ابوي قبل 5 سنين ودعتها وضميتها واجاني احساس اني ما حشوفها مره تانيه حتى بكييت وقتها ما قدرت سيطر على دموعي
بعدين بعد ما سافرنا بشهر
ماتت
يا الله شعوري كان وقتها دمار لاني تزكرت انه لما ودعتها وكنت بتطلع عليها من السياره وهي واقفه على البلكون صرنا بعااااااااااااااااد وهي لسه بتعمللنا باي
اللله يرحمها :icon33: :icon33: :icon33:

:icon33: :icon33: :icon33:

ما احب لحظات الوداع

بكيتووووووني

انا ماودعت احد من اهلي :(

لاني ما ابي اشوف دموع وحزن :icon33:

صدقوني بكيت كتير هلأ من تجارب الاخوات

أنا تجربتي ما كان فيها دموع !!!!!!

ودعت اهلي وأخواتي وكل أهلياتي وأنا ما بكيت أبدا ........!!!!

شعور غريب جدا ....

مع ان أمي بكت كتير وأنا ما بتحمل بكا امي على طول ببكي مشانها

لكن ما بعرف شلون ....... تجمدت دموعي سبحان الله


بس لما وصلت لأمريكا وراحت السكرة واجت الفكرة متل ما بقولوا صرت ابكي من دون عقل ....


بس النزلات التانية .....

يعني لما كنت انزل مرة تانية على الشام وبدي سافر ابكي بكاء المجانين لما ادخل على الشام ولما ارجع كمان

يظهر لاني عرفت شو يعني الغربة ودقت طعمتها

ومن هالمواقف بذكر أني كنت بزيارة لأهلي وكان ابني عمره سنتين
المهم

رحنا على المطار ومعنا خالتي وبيت حمايي وامي واخواتي

وقعدنا لبين ما خلصوا اخواتي الجوازات والتأشيرة وكذا .....

بعدين صار وقت الطيارة

قلي أخي : يالله اختي . صار الوقت

آم أنا وقفت وبكبت وخبيت وجهي وصرت عانق ماما واخواتي وحماتي وانا ما عم اقدر قول ولا كلمة

وكان ابني بالعرباية وصاروا يبوسوه وأنا كلمالي ابكي اكتر

وابني يا حرام مو فهمان شو القصة :(

تخيلوا حتى ابن خالتي دمعوا عيوني من منظر الوداع

وهيك فتت على الجوازات وقلتلهم باي لأهلي

وراحوا الدموع واجى التفكير والشغل
لأن عندي طيارة ولازم الحق تاريني متأخرة ولازم ىخد الباص لاوصللها

وبعدين من طيارة لطيارة ....
ولهلأ ما بنسى الطائرة الملكية الأردنية والموسيقى العربية الحزينة اللي بحطوها باول الرحلة وآخرها ....

والله والله بتقطع القلب

آآآه

الله يصبرنا ويعوضنا خير يا رب ويسعد قلبنا برؤية أحبابنا وهنن بأحسن حال

الله يعين انا راح اودع اهلي واحبابي بعد اسبوعين الله يعينني على هذا الموقف ..
مدري وش راح اسوي مع اني من اللحين اصيح وميته خوف ..