الله المستعان والله رجعتيني الى سنين من اجمل ايام عمري
كان العيد فرحه كبيره لنا طبعا الثياب تخيطهن لي وحده من قريباتي
امي تحنيني ليلة العيد وتربط يديني وانام وانا اشوف ثوبي معلق وبجنبه شنطه صغيره وزماره وشال يلمع
انتظر الصبح على احر من الجمر انام وانااحلم ببكرى
اول مايذن الفجر الاواقوم واغسل والبس الثوب واعلق الزماره طبعااهلنا مايدرون انه حرام الله يعطيهم على نياتهم
ونلبس الشال اللماع ونطلع بالشارع الاوالناس حاطين اعيادهم بالشوارع الرزوالقرصان والهريس ياكلون ويتافسون على احسن واحد ويدخلونه على الحريم وناكل وكل وحده تتفاخر ان طبخه ازين كانت القلوب طاهره
بعده نروح نعايد اقاربنا واجدادنا وكلن يحط اللي يقدرمن فلوس على قدهم بس الله يعلم وش فرحتنا بهن
طبعانرقص ونحط خشره بالليل واللي ماتعرف الخشره يعني كل وحده تحط اللي تقدرعليه من حلوى وبسكوت وناكل وكذا والعيد يستمرالى اربعة ايام زيارات واكل ووناسه لكن الحين القلوب تباعدت صارو يعايدون اقاربهم برسائل جوال والطيب منهم يتصل
وناس تتفاخر بالملابس اللي ماهي ساتره والعيد يجي ويروح وبعض الناس في سبات ونوم واذاقام راح للاماكن الترفيهيه وترك واجب وصلة الرحم الله المستعان على اكالايام

أنا من يوم طلعت من بطن أمي إلين اليوم والعيد عندي يوم مايفرق عن باقي الأيام

اب

كان العيد حلو بس بعد امي ماله طعم

انا واختي كل عيد نقش شباصات وبكل السوق كلها ونقعد ليلة العيد بنسوي التسريحه هذي لا هذي لاهذي ونفك ونسرح طول الليل نفكر اش بنسوي لبكره واذا قرب الفجر ننام وتصحينا امي للعيد ونقوم تدرون اش التسريحه اللي نرسى عليها نحط بكله فوق ونخلي من تحت منفوش