السـلام عليكم ورحمة الله وبركاته
اللهـم صـلِ وسلم وبـارك على محمد وعلى آل محمـد
ماراح انقل لكم مواضيع و لا راح اتفلسف في الموضوع بأختصـار بقول تجربتي في ثمـار ذكر لله :)
أنا عن نفسي كنت في غفله زي كثير من البنات المهم ماراح اقوولكم المااضي حقي لانه مو موضوعنا :09:
المهم انا قررت بفضل من الله ونعمته علي ان يومي ماينتهي ولايبتدي اصلآ الا بذكر الله .. والله يابنات حياتي تغيرت
نفسيتي تغيرت .. نظرتي تغيرت .. تفكيري تغير .. اهتماماتي تغيرت .. همومي تحولت .. هواياتي تبدلت
ماأباالغ لو قلت معاملة الناس لي تغيرت كل ذلك بفضل ذكر الله :)
بقوولكم برنامجي لذكر الله في حياتي وياليت تطبقونه عشان نكسب الخير كل الخير دنيا وآخره
اولآ : أحـاول قبل أنام مايفوتني ذكر الله اقرى آية الكرسي واقول هالدعاء > لااله الا الله وحده لاشريك له له الملك وله الحمد وهو على كل شي قدير لاحول ولاقوة الا بالله سبحان الله والحمدالله ولااله الا الله والله اكبر < من قال هالدعاء قبل ماينام غفرت ذنووبه
ثانيـآ : اذا تقلبت اثناء النوم وصحيت اقول هالدعاء اللي فوق ^^ وازيد عليه اللهم اغفرلي وارحمني وادعي بعض الاحيان
واذا صحيت من سريري قبل اطلع من غرفتي اقول هالدعاء > الحمدالله الذي احيانا بعد ماأماتنا واليه النشور
ثالتآ : أحاول بقدر المستطاع ماتفوتني اذكار الصباح بعد صلاة الفجر واذكار المساء بعد صلاة العصـر < فيها كل العجب والحفظ والخير يابنات اتعب وانا اقول الاذكار مهمه مهمه مهمه .. مره انفجر الشاحن حق جوالي وانا اشحنه يابنات كنت قريبه منه سبحانه اللي خلانه ابعد عنه واقرب ناحية التلفزيون ولاكان تشوهت بس كله بفضل الله سبحانه ثم بفضل ذكره اذكار الصباح والمساء تحميك من كل شي مايخطر في بالك يحميك حتى من الوسواس والشياطين والهم والحزن والضيقه تروح بمجرد ذكر الله متعـه ولذه محد يحس فيها الا اللي مداوم عليها
رابعآ : الصـلاه على النبي مهمه يابنات وهي تعتبر من الاذكار ومن اهم الاذكار بعد يعني احاول قدر المستطاع مايمر يوم الا واصلي على الرسول فيه عشر مرات في الصباح وعشر مرات عند المساء وكل مازاد كان خير وافضل
خامسآ : الاستغفار بالمسبحه مية مره بهالطريقه > استغفر الله واتوب اليه > وسبحان الله وبحمده مية مره
سادسآ : وانا اشتغل في البيت اذكر الله تجيني طاقه مو طبيعيه ونشاط ماابالغ لو قلت اخلص بسرعه من تنظيف البيت :angry:واقول > سبحان الله والحمدالله ولااله الا الله والله اكبر < لانها احب الذكر لله
وبس هذي طريقتي ان شاء الله تستفيدون منها مع العلم اني مقصره بس احاول اني ماافرطها ولا انساها ولاتفوتني :(
وهذا رابط فيه آيات من القرآن واحاديث تبيـن فضل ذكر الله ماحبيت اكتبها لانها طويله انتو شيكو على هالرابط لايفوتكم مره روعه وتتحمسين لذكر الله شوووفووو
اضغط هنـــا وشوفي وش يصير للي يذكر الله كثير :)
روج فوشي @rog_foshy
محررة فضية
يلزم عليك تسجيل الدخول أولًا لكتابة تعليق.
فرحي المفقود
•
يسلموا يجزاك خير
الصفحة الأخيرة