ذكــــرولدي يختفي .. وينكم ياأمهات

الموضوع ياامهات انه ولدي عمره 4 شهور ومن شهرين تقر يبا كان صغير ونحيف وكان ذكره بارز زي كل الاطفال .. بعد الحليب الصناعي بدأ بسم الله عليه يسمن وتزين صحته ولاحظت ذكره يدخل ولما اجي اغير له الحفاظ وانتوا بكرامه الاقيه مختفي وكأنه مقطوع ماله شي بسم الله عليه .. لدرجة انه أول مره شفته خفت وصرخت وناديت ابوه وريته قال عادي !!!!!!

فقلت ابوه ابخص اذا كبر تعدل ان شاءالله مافيه شي

و قبل يومين كنت اغير له وكانت عندي زوجة اخوي وقالت ليه كذا قلت ابوه يقول عادي قالت لاخوي قال لا اكيد فيه شي


وبدت الوساوس وقلت لزوجي ابودية قال اخاف يبهذلون الصغير ويسون من لاشي شي عظيم .. خلينا نسأل ونستفسر اول واذا مالقينا حل للأمر وديناه

كمان فيه ملاحظه ثانية وهي انه يئن انين وقت النوم أنين يضيق الصدر .. قالوا اكيد انه يعوره عشان كذا يئن بس اذا صحى يضحك بسم الله عليه ويلعب ويرضع يارب لك الحمد قلت لو كان يعوره اتوقع بيبكي في الليل والنهار

فقالت لي جارتي ان الونين في الليل طبيعي وان عيالها يئنون وهم نايمين وانه شي مايخوف

وشرايكم فيه احد صار له نفس الامر وذكر طفلها يدخل وكمان يئن وهو نايم .. مع العلم انه عندي ولد اكبر منه بس ماصار له شي من هذا الحمد لله