ذنب عظييم عسى الله يغفر لي !

السلام عليكم ..


موضوعي باختصار اني متزوجه واحب زوجي وهو الحمدلله بعد يحبني


بس مرينا بفتره كلها مشاكل و بعاد و وجع راس
و الشيطان لعب بعقلي ونفسي سولت لي بالسوء !!

ومالقيت نفسي الا اكلم واحد بتويتر ثم تطور لواتس اب ثم اتصال لمرات معدودة ،،

زوجي صار بعيد عني والرجل قريب مني حيييل اشكيله ويشكيلي

و مرت اشهر واحنا متواصلين على الواتس وضميري مابين الحي والميت !! ساعات يصحى وساعات يخمد


وبعدها قررنا انه نوقف هالتفاهات عشان ربي لا يبتلينا بشي اكبر


وفعلا صار وقطعنا هالمنكر ولله الحمد


ومن بعدها وانا ندماااااانه ندم يكاد يشيب شعر رأسي منه !!

كرهت نفسي وطيشي وكرهت غبائي اللي وصلني
لهالمرحلة ،


واحس كل اللي حولي يعرفون بالسالفه بس ساكتين

احس اني مفضوحه


رغم اني الحمدلله دايما ادعي بالستر لنفسي وللمسلمين اجمعين و واثقة من ربي سبحانه انه ما بيفضحني


بس تأنيب الضمير و الاحساس اللي بداخلي بيموتوني


احس الكل يعرف بهالذنب العظيم اللي اقترفته في حق نفسي و زوجي و سمعتي !!!


وفي صديقة مقربة ، و زوجها قريب من زوجي
انقطعت عني فجأه وخايفه لا يكون سمعوا بشي او وصلهم شي لا سمح الله !!!


ارجووووكم ساعدوني وخففوا عني الهم
ولا تتشمتون فيني لان الشماته مو زينه ويمكن ربي يبتليكم زي ما ابتلاني يوم كنت اتشمت ببنات هالايام وكيف انهم يكلموا شباب وكنت اشمئز واتقرف منهم ، وفي النهاية سويت مثلهم استغفر الله
💔💔💔💔


ياربي اغفرلي وتوب علي واعفُ عني يالله



انصحوني و هونوا علي

الله يهون عليكم دنيا وآخره ...