ذهلت مما رأيت في بيت الله المسجد الحرام في هذا العام

رجاءً بدون ذكر جنسيات .
المشرفة .



السلام عليكم ورحمة الله وبركاته


اولا وقبل كل شيء كل الل باكتبه هنا في هذا الموضوع حقيقة دون أي مبالغة واللي جبرني على ان اكتب هذا غيرتي على هذا البيت الشريف في هذا البلد الطاهر
والله بصراحه شفت ما ادمع عيني :icon33:
اول شيء تصرفات اكثر اللي يجون من برا ........والله حتى العساكر يشتكون منهم والطوافات يشتكون منهم وانا اشتكي منهم والكثير من تصرفاتهم
والله العظيم اني شفتهم في قسم نساء .......الاغلبيه يعني 99% يجيبون كل مالذ لهم من الطعام والشراب وياكلونه ويخلوه في الارض وينامون عليه في طريق المشاه ولا يسمعون كلام عسكري ولا شي روسهم ميبسة يعني
واول ماتقام الصلاه يقومون يصلون من غير لا ينظفون لا حول ولا قوة الا بالله
والمصيبه ما يرضون اذا احد كلمهم او انكر على فعلهم
حتى وصل بهم الحد انهم ياكلون في دورات المياه اعزكم الله :(
فاصل
واحد قام يسأل اخويا في صلاة التراويح
يقول الحين هذولا وش يصلون ؟؟ وهو يتركع معنا من البداية والله مادري وش يقول بصلاته هذا
يعني الجهل بعينه
المفروض اول يقعدون في بيوتهم يتعلمون الدين على الاقل يعطون فرصة للي اولى بهم بهذا المكان
الوحدة تجيب اهل حارتها الاطفال كلهم لا يخلوهم ويهنوهم يصلون ولا يكفونا شرهم
لعب وصراخ ولجة
وهم جالسين شوية يرضععون شوي يداعبون شوي يضربون :(
لقطة اخرى في ليلة سبع وعشرين كنا طالعين بعد الصلاة من الحرم والله بغينا نموت لولا رحمة الله انا واختي وامي من الهواش والدعس والدفع
ناس مهاوشه وناس كل واحد يرفص اللي قدامه وناس وناس والله لو الناس تمشي على نظام كان ماحصل اللي حصل وكن ماشفت اللي شفته
لقطة اخرى
يوم الجمعه وقت صلاة الجمعة رحنا بدري الساعة 11 على بالنا بنحصل مكان لكن ماحصلنا الكل لا رجالنا ولا حنا
المهم واحنا طالعين بنصلي برا المسجد في السكة عند الاسواق
اللي سادح نايم عرض بوسط الطريق واللي يمشي بعربته بين الناس لا حووووووووووول ولا قوة الا بالله العلي العظيم يارب اغفر لنا :(
واللي يدفع اللي قدامه ويبغى يتقدمه زي هذولا الافواج الاجانب اللي زي الموج يجون سوا متمسكين ببعض يدعسو الناس واذا انكرت عليهم قالو ÷ دحنا غلابة ÷ يعني مايحترمون نفسهم ولا يحترمون الغير ولا يحترمون المكان اللي هم فيه
وفي صلاة التراويح في مكان كله حريم جو تقريبا ثلاثة شباب وقاعدين مقابل الحريم ويناظرون فيهم ويسولفون بشكل ملفت للانتباه من غير صلاة :(

لقطة اخيرة
يوم 27 رحنا الحرم نتفطر هناك طبعا وقت الافطار في الحرم اهم شي التمر والماء
استغربت بعض ناس حاسبين نفسهم بمطعم اقسم بالله الشاي والقهوة والادامات والسمبوسة وحتى بيبسي وسفن اب
على بالهم حاطين المسجد مطعم مو مكان صلاه
ويجي وقت الصلاه والارض وسخانة مايلمون اوساخهم اقل شي والريحة استغفر الله تقرف الله يهديهم :(
وبعض البنات استغفر الله اللهم اشفهم ولا تبلانا يارب
والله العظيم يجون الحرم وهم في آخر زينة العبايه مخصرة ومطرزة حشا مو عبايه الا فستان فرح اسود وكل شي باين والمشكلة اذا كانت الوحدة متينة
ومكياج العيون كامل والنمص باين الوحدة حواجبها كانها جنحان الطياره الله لا يبلانا والكعب اطول منها ومناكير يعني خبركم زي بالاسواق نشوفهم مايغطون الا فمهم
لو يقعدون ببيوتهم ارحم لنا ولهم على الاقل ما يحملون اثم كل رجل من الفتنة وهم في المسجد الحرام :(

وبالختام ابقى اقول الكلام اللي قلته ما ينطبق على الناس كلهم لا
في ناس قمة العقل والاخلاق اقل شي محترمين انفسهم وجايين لغرض واحد هو الصلاة واغلبهم
اهل السعووووووووووووووووووووووووووووووووووووووووووووووووودية خاصة والخليج عامة لانهم قليلين من غير مجاملة والله العظيم



ايه نسيت بعد اقول
البارحة احد رجال العسكر في الحرم يسب ويشتم واحد يقوله يالصهيوووووني يالكذاب
ايش الفوضى هذي :(
؟؟؟؟

وبس هذا اللي بقلبي وصدري وحبيت اكتبه هنا
لعلي اكسب اجر في احد هؤلاء الفئات اللي تكلمت عنهم وربي يهديهم
ان شاء الله العام الجاي مانشوف زي اللي شفناه هذا العام :(

اللهم اغفر لنا وارحمنا