السلام عليكم بنات
كيفكن
انا اليوم الحمد لله كتير متفائلة لأنه من فترة وجهي امتلى حبوب وجربت كل شي خلقه ربي لعلاجها بس هلأ الحمد لله راحت الحبوب وبقي شوية آثار وان شاء الله مع المتابعة والشغل بيروحوا
رح اكتبلكن برنامجي اليومي للعناية ببشرتي السعيدة ويارب كلكن تستفيدوا منه بس أمانة يابنات بدي اطلب منكن كل وحدة قرأت ردي أو جربت البرنامج تدعيلي الله يوفقني ويقويني ع الدراسة وجيب معدل متل مابدي وادخل الفرع اللي بحبه.. اسفة ع الاطالة.. البرنامج هو:

الجمعة: مقشر سانت ايفز وبعد الانتهاء منه نمرر على الوجه مكعبات ثلج ماء البقدونس ولما ينشف ندهن كريم بانثينول لحتى يرمم الجلد اللي قشرناه ويروح آثار الحبوب
السبت: راحة
الأحد: ماسك لبن منتهي الصلاحية + نشاء بالكمية اللي بدكن ياها المهم يطلع الخليط متجانس وحطيه على بشرتك 20 دقيقة وإذا حبيتي 30 مابيأثر وغسليه بصابون ديتول بماء دافي ثم بارد ولما تخلصي مرري مكعب ثلج ماء البقدونس واتركيه ينشف من حاله
الاثنين: راحة
الثلاثاء: مثل الجمعة
الأربعاء: راحة
الخميس: ماسك خفيف وهو انك تاخدي النشاء وماء الورد والماء العادي وتحطيهن على النار حتى يصبح القوام متجانس وكريمي وبعدين انتظريه حتى يبرد شوي يعني يكون فاتر وحطيه على بشرتك حتى ينشف بتحسيه انه وجهك مشدود وبعدين غسليه بصابون ديتول بماء دافي ثم بارد حتى يقفل المسام واخيرا مكعب ثلج ماء البقدونس
وهكذا كرري البرنامج حتى تحصلي على النتيجة المطلوبة او فيكي تعتبريه برنامج دائم لبشرتك الدهنية لأنه اكيد منعرف انه التقشير ضروري للبشرة الدهنية مرتين بالاسبوع وطبعا الماسكات اللي كتبتها بسيطة وخفيفة جدا وبإذن الله مابتئذي
نصائح يومية: اغسلي وجهك الصبح اول ماتصحي من النوم بغسول شجرة الشاي من بودي شوب أو غسول النيم من هيمالايا أو غسول من كلين اند كلير( لأن الصابون قاسي صباحا على البشرة)
وغسلي وجهك مساء بصابون اما طبي (كبريتي) او صابونة ديتول الاصلية الخضراء المعقمة
ولاتنسوا يوميا ضروري نستخدم مكعبات ثلج ماء البقدونس مرتين صباحا ومساء بعد كل مرة بتغسلي فيها وجهك بالغسول او الصابون مهمة جدا لتنقية الوجه
وعند الخروج لازم تستخدمي واقي شمسي طبي وخالي من الزيوت وحاولي ماتحطي فاونديشن الا بالمناسبات الكبيرة والبودرة فقط للطلعات المهمة والتقيلة حتى تتركي فرصة لبشرتك انها تتنفس وتمنعي انسداد المسام وتشكل الحبوب وبإذن الله بعد هالبرنامج مابتحتاجي لافاونديشن ولا بودرة..
موفقين يابنات وامانة ادعولي مثل ماطلبت

اهلين بنات انا اعاني من بشره جدا دهنيه وحساسه بنفس الوقت ورحت لكذا طبيبه واخذكورس علاج واستخدمه تتحسن البشره بس اتركه ترجع زي اول تعبت مررره منها الحمد لله على كل حال ولان ااستخدم صابون الكركم واشوف تحسن بسيط في البشره خفت الدهون شوي وبستمر عليها ان شاءالله بس حبيت اسالكم من جربه الليزر الفراكسل للبشره الدهنيه لتسكير المسامات الواسعه واخفاءاثار الحبوب رتصير البشره صافيه ،،،كذا قلتلي الطبيبه بس خايفه اغامر ولا احصل نتيجه ياليت اللي جربت ولا سمعت من احد قريب لها تفيدنا الله يجزاها خير

يابنات بس حبيت نبه على شي الماسك يلي كاتبته يوم الاحد
هو زبادي منتهي الصلاحية بس نحن بسوريا منقول عن الزبادي لبن وعن اللبن حليب يعني مو تروحوا تحطوا حليب منتهي الصلاحية
لا لبن= زبادي يعني حطوا زبادي

رفع

صابونة ديتول روعه وكريم المر للبشره ال دهنيه كمان والله جنان عن تجربه وابي دعوه حلوه