انا كمان بشرتي دهنية خصوصا الجبهة والانف

وتكثر الحبوب وقت الحر او التوتر واحيانا بسبب الدهون

ابغى شي يشيل الاثار لانو اذا راحت الحبوب الاثار تبقى موجودة

وحبيت اسألكم عن هذا الغسول للحبوب وللاثار هو غسول نيتروجينا جريب فروتي

ياعيني على بشرتي الدهنيه انواااع الدمار الحمد لله:09: .. حبوب من فتره للثانيه واكثر شيء تاعبني اثار الحبوب مدري وش اسوي معها والزيوان والمسامات وهالات سووداااا ووو :unhappy:حدث ولا حرج:eek:لدرجه مااحب اطلع بالضوء الطبيعي تعقددددددت نفسياااا لأنه تبان البلاوي وماابي احط مكياج واخرب بشرتي مو ناقصه هي ابي علاج للمشكله مو اخفاء للمشكله ... ادور على النظاره والصفاء مو لاقيه فيها شيء :06:.. مافي زي االبشره الصافيه النظره حتى لو الملامح عاديه تحلى الله يرزقنا جميعا البشره المثاليه :27:
لو فيه وحده عندها حل حتى لو اروح مركز معين اعمل تقشير المهم شيء مجرب او اي شيء اقدر اعمله تفيدني الله يجراها خير

بانظم معكم أنا بشرتي دهنيه تووب تووب مع انها زمان كانت عاديه اشك ان اللولب الهرموني غيرها والحبوب ماتوقف أبدا تروح وحده وتطلع خويتها والمنطقه اللي تتأثر بهالشي وجهي خاصه الخدود والكتف وأعلى الذراعين وشوي وأعلى الظهر بس الحمدلله تعلمت احاربهاباستمرار والنتيجه معجبتني مااخليها اجرب فيها الين ماالقى اللي يناسبها وأتم عليه اهم شي غسول قبل النوم وترطيب ومقشر الصباح وبعده ترطيب بس وقناع وسط اليوم الاقنعه اللي ريحتني العسل ساده اخليه نص ساعه
العسل والشوفان والنشا والزبادي والسدر بعد نص ساعه
السدر والزبادي
الكمون االمطحون والزبادي
خل التفاح مع قهوه تركيه هذا لازم اسويه قبل الاقنعه بحركات خفيفه يحرق شوي لانه ينصد الحبوب ويموتها ويفتح ويجهز البشره لأي ماسك وتراه سهل وسريع
تونك البرتقال واليموون للي تداوم عليه تنسى شي اسمه حب شباب صراحه سويته وثلجته بقوالب صغيره وحفظته بأكياس بالفريزن وكنت استخدمه مرتين يوميا أخذ وحده واحركها بشكل دائري على وجهي بحركات خفيفه الين ماتذوب مشالله راحت بشرتي عليه مثل السيراميكه بدون مبالغه فتحت وانشدت وتوحد لونها وآثار الحبوب في اثرها خفييف في ظرف أسبوعين بس وقفته تكاسلت اسويه مره ثانيه بس لازم ارجعله أمم وايش بعد بياض البيض حللللو لحاله يمتص الدهون اللي عالبشره للكتوف والظهر ملح خشن مطحون مع كركم وشوي ما ورد تفركونه بخفه وتخلونه خمس او عشر دقايق بعدها تغسلونه مممتااز مجموعة كلينك للبشره الدهنيه اخذت المقشر رقم ٣ والجل بس ماكنت موااظبه عليه فما جربت تاثيره بس حسيته يعالجها من داخل اكثر من برا كانه يرمم البشره وبس تقريبا هذي الاشيا اللي نجحت معي وغسولي اللي ارتحت عليه وحارب البشره الدهنية نتروجينا لمحاربة حب الشباب خالي من الزيوت هذا قبل النوم وتركب بعده باي شي فازلين زبدة كاكاو او زيت اللوز او زيت زيتون المتوفروالصباح كقشر نتروجينا الوردي بالقريب فروت لحب الشباب بعد وبعده مرطب خفيف وبس بعد قناع نص اليوم احط مسحه خفيفه من اي لوشن ارتاح عليه وترى اصحاب البشره صح يتعبون معها بس اللي تهتم فيها تطلع رووعه والتجاعيد ماتزحف عليها بسرعه لانها ماتجف ولاتعطي التجاعيد فرصه تتكون الحريم الكبار بالسن اللي تشوفون بشرتهم مشالله شابه اعرفو انها دهنيه بس الافرازات خفت بحكم العمر فعشان كذا أنا اعتبر اصحاب البشره الدهنية محظوظين نوعا ما بس لازم العنايه فيها ومحاربتها باستمرار وترى عنايتها سهله جداً مثل ماقلت غسول وترطيب قبل النوم ومقشر خفيف يومي الصباح وترطيب وقناع وسط اليوم وترطيب خفيف وراه وترى البشره تصير رووعه على طول تحسين منتعشه ونظظظره وفتيه جداً كانها بشرة ام ١٦ طبعا اذا ما اهملتيها البخار سووه مره كل اسبوعين بس وسكرو المسام بعده مزبووط والليمون واغسلو الليمون بموية ورد بارده وبعد الحبوب اللي تطلع العاديه او اللي راسها قوي خذي قشر ليمون واظغطي عليه شوي بيطلع زيت امسحي بحركة ضغط خفيفه على الحبه تستمري الين ماتروح وبموت وتخف من بكره هذا اللي عندي من تجاربي اللي زبطت عليها ****لله تستفيدون 

اضافه
اذا قطعتي سلطه قبل ماترمين راس الطماطم اللي قطعتيها امسحيها بالوجه والرقبه وبتجف بسرعه روعه تسكر المسام وتصغرهم وتغذي البشره فيتامينات بساعتها لاترمون فلوسكم بالصيدليه على كريمات فيتامين سي وغيرهم كل شي بالمطبخ امسحي الوجه بقشر برتقال كذا اي كلام ليمون موز طماط تفاح فراوله خيار لاتستهونون بعصارتهم اللي تصب على البشره فررررش لاكريمات ولاغيرها الكريمات اساسا يستخلصون فيتاميناتهم من الفواكه والخضار ويحفظونها بعلبه قد عيني بمبلغ وقدره فلاتعششون بالصيدليه على امل العلاج السر بالإرادة والاستمرار والا كل شي موجود بالبيت وبديل الصابون قبل النوم موية السدر بس وبعدها مرطب وبديل المقشر حق الصباح كمون مطحون بكميه قليله من الزبادي بحيث يكون الكمون اكثر و كتل و قشري فيه ورطبي وشوفي النتيجة  

موفقات