ذوات الحكمة والرأي السديد ـ اطلب منكن النصيحة

السلام عليكم ورحمة الله وبركاته
انا عضوه جديده ولكن متابعة قديييمه جدا جدا ، سجلت فقط لاعرض لكن مشكلتي واطلب منكن الراي السديد والنصيحة


باختصار شديد .. متزوجة وعندي طفل حياتنا كاي زوجين طبيعيين نرتفع للقمه اوقات واوقات ننزل للمنحدر :)


قبل اسبوع صار جدال بيني انا زوجي على شي مايستحق الجدال ابداا ، المهم انه عدى ذاك اليوم وانا مقهوره لانه حسيت من كلامه اني مالي راي او كلمه .. ( الحين يوم افكر احس ان الشيطان دخل بيننا وكبر الموضوع بعيني )


المهم>>


اليوم اللي بعده حبيت اكلمه على اللي صار امس وانه اسلوبه كان مش ولابد معاي ،، اللي صار ان كبرت السالفه بشكل غير متوقع وانفعل وانا انفعلت ولكن سويت شي الحيين ندددماااانه جداااااااااا عليه


((( جررررحته فالصميم ))))) مع ان الموضوع مايستاهل بس مادري كيف صار هالشي ماعرف كيف قلتله هالكلام ربي يسامحني ويغفرلي ، هو راح يتسبح وعيونه دمعت واتوقع بكى بعد لانه شي قوي اللي قلته وزياده عليه هو شخصيه حساسه نوعا ماا .. هذاك اليوم طلع ولا رجع الا متاخر ، دقيتله مليوم مره ولارد علي يوم رجع حاولت اعتذر او اتكلم او ابرر موقفي بس ماعطاني فرصه ابدااا وحتى لو طرشت مسج ما بيقرااه .. بس قالي شي واحد هالكلمه مو جرحتني الا طعنتني وماراح اسامحج ليوم الدين وانتي بعدج ماعرفتيني عدل ومن اليوم ورايح ما بكون زوجج الاولي ....
((للعلم حاولت يومين افهمه بس مو راضي يسمعني ف قررت اتركه ع راحته كم يوم ويهدا وارجع اكلمه مره ثانيه))


ساعدوني ياجماعه كيف اتصرف والله اني ندمانه مليوون مره واعترف اني غلطانه كيف ارجع ثقته فيني وكيف اخليه يصدق اني فعلا ماكنت ابا اجرحهه بس زلة لسان ودخل بيننا الشيطان وقتها ...


الله يخليكم ابا كلام يبرد على قلبي وراي سديد وحكيم من ذوات الخبره
وشكرااا