ذويقات وفنانات المعجنات يتفضلون....

ينقل من المعجنات الى الأطباق ...

الكروساون اذا تبينه زي بره له عجينة خاصة ومعاملة خاصة ويمر بعدة مراحل
يعني احس صعب عليك تسوينه زي برة

اذا عادي فهو بعجينتك العادية تفردينها دائري وتقطعينها زي البيتزا وتحشين كل مثلث وتلفينه

مشكووووووووره خواتي

هلا بك اختي
جربي هالطريقه واذا ما عجبتك
تعالي وصفقيني الين تقولين بس
المقادير
3 كوب دقيق
3 م ك حليب بودره
3م ك سكر
1 م ص ملح
2 اصبع زبده
1 كاس ماء
3 م ك خميره

الطريقه :
نأخذ من الزبده ( طبعا بحرارة الغرفه ) 3 ملاعق ونخلي الباقي على جنب
ونخلط الثلاث ملاعق زبده مع باقي المقادير ونعجنها كويس
ونحط العجينه في الثلاجه لمده 3 ساعات
بعدين نطلعها من الثلاجه ونفردها على الطاوله زي البيتزا الكبيره ونحط في الوسط باقي الزبده
ونطبق الاطراف ونرجعها للثلاجه
وبعد نص ساعه
افرديها زي البيتزا الكبيره
وطبقي اطرفها ودخليها الثلاجه
وكرري هذي العمليه من 5 ال 6 مرات
وبعدين قطعيها مثلثات واحشيها واخبزيها
عاد اذا ضبطتيها وعجبتك
بتطلقين الجاهز
ملاحظه انا اذا جيت اسويها مو كل شوي اوصخ الطاوله
افردها على قطعة قصدير
واذا دخلت العجينه للثلاجه ارفع القصدير نفس القطعه في الدولاب او فوق الثلاجه
وارجع استخدمه
ارجو اني افدتك

نسيت اقولك
اني اذا جيت ابوديها معي لبيت اهلي مثلا الاربعاء اعجنها في الليل قبل لا انام
واذا صحت الشغاله الصبح اخليها تسوي الفرد والتطبيق
موفقه

........................................