ذي وش السواه معها

طبعا بعطيكم نبذه مختصره عشان تكون نظرتكم للموضوع شامله والري يكون سديد انا عندي اخوي التوأم اعشقه وهو مايشوف الدنيا الا فيني وعلاقتنا اكثر من اخ واخته المهم قرر يتزوج تزوج من يوم دخلت علينا وهي تغار مني غيره مفرطه تعرفون غيره مبالغ فيها قسم بلله لو البس قميص تقعد تخز بعيون كني لابسه الماس المهم هي معا خواتي طبيعي لين توصلني ينقلب كيانها بس قلت يابنت احرق االمحروق اكثر وطناش ماعلي منها دام انها مو مأذيتني تنظغط ماعلي منها تطورت السالفه حاولت تشويه سمعتي وكانت بتوصلها لابوي وهي المسكينه مادرت ان اخوي يشوفني ام مو اخت وكلمتي عليه سيف ماالكم بطويله فضحتها قدام العايله كلها وبغت تموت المهم مابطلت مني لسا حاطتني براسها تنقد عيالي باشكالهم رغم ان عيالي ملوك جمال والكل يشهد تنقد بطولي لاني طويله حبتين صح ماسكت لها والعن ابو خامسها بس تنخم وقت ثم ترجع عرفت ان الغيره معميه عيونها مالكم بطويله رحت لامي لقيتها موجوده هناك عادي مو شايلتها اصلن من ارضها قعدت اسولف وولدي يسولف معي قامت تسولف له وتلعب معه طبعا هي قد سوت مواقف كثير لايسع المجال لذكرها قامت تسوي نفسها تمزح معه وضربته كف يبنات وش اقلكم حسيت طبلتي انفكت من راسي فزيت من مكاني من الفجعه قلت وراك انتي صاحيه قامت تضحك وتقول امزح قلت تمزحين اجل وحتى انا ابمزح معك وصفقتهاكف بنفس االمكان الي ضربت اولدي فيه المهم قبل اسبوع حصل مشكله هي متعمده تحطني فيها ولحمدلله خابت احلامها وانكشفت المهم كلمت امي قلت يمه ذي ماتصلح تختلط فينا قليله خاتمه وماتنعطي وجه تقعد ببيتها وتكفينا خيرها وشرها وهذاك شفتي سواتها فيني ماتبليت عليهارفضت امي وقالت البنت غلطت وفاهمه غلطها مدري وش سوت بامي هي لانها بنت اختها تسويكذا البنت لسانها معسول وتضحك علا امي بكلمتين وتاخذ امي لها العذر استجرنا شاليه اخواتي وتبي تروح معنا وانا حاطتها براسي لان اعرف فصلتها وهي مثل حاقده علي رغم ان اخوي كلمها وقال اختي مايصير لك طيب لو ماخليتيها بحالها بس ماخذه امي عزوه وبلفعل امي ماترضا عليها انا ماصرت ارتاح انخنق منها لانها لزقه وتتدخل بكل شي وانا رحت اتمشى وارتاح مابي مناقر ومماحن وانا اعرف فصولها لازم تنخم ويلعن خيرها عشان تخليني بحالي المهم سوت موقف لي صدق مس كرامتي وانا قلت هنا واستوب انا اخوي يعزني والله فوق ماتكلم لكم عنه ولو اقول له ترى ماتصلح لك ولله بيطلقها ولا بيرحمها وهو قالي لو تعرضت لك باي وجه تقولين لي وقسم بلله ماتجلس دققيقه بلبيت المشكله هي تحدني اسعى بطلاقها لان قد شكيت لاخوي وخلاها مثل الكلب ثلاث شهور عند اهلها بس ماعندها قلب وامي حادتنا نستقبلها وتجتمع معنا وهي خبيثه لازم تتمشكل معي تعبت من ذالادميه ويشهد ربي فكرت اكلم اخوي يعطيها ورقتها وانفك منها بس اخاف اظلمها وترجع فيني بعدين