ذ كريات من الماضي

باانتظارك بس ياليت تكتبينه كله برد واحد

وين الباقي تحمسسست؟؟؟!!

كملي يا الحبيبه علقتيناااا ؟؟؟؟؟؟؟؟؟؟؟؟


طيب لا تطولين

والله حتى أنا ماحب الانتظار والتكمله على أجزاء طويله

كتبت الجزء الثاني وكملته ويوم ارسلته انقطع الاتصال

انهد حيلي وأنا أكتب على الفاضي
الحين عندنا ناس ولازم اسوي القهوه وانظف المطبخ قبل أمي تحصى وتلاقه حوسه
وان شأالله ماطول وأكمل برد واحد باذن الله

المهم سبحان الله اختي هذي مختصر الكلام فيها حنيه زياده غير حتى على أمي حنونه وأمي دايم تقارن بيني وبينها فلانه مو مثلك حتى بشكل البيت خفيفه مستعده تشيل البيت بروحها
والله بدون مبالغه
أنا مو قاسيه على أمي بس هي غلبتني بحنيتها وخفت دمها بالبيت وبالشغل
كانت معودتني تعطيني ميتين شهريا من المكافئه حقتها بالجامعه
ماانسى الهدايا الي جابتهم لي
كان نفسي فالبلاك بيري أول ماطلع البلاك ويوم نزلت المكافئه حقتها راحت مع اخوي وصرفت
المكافئه كلها بالجوال
وقبله كمان اشترت لي من المكافئه جوال
المهم انها حبيبه بمعنى الكلمه
متعودات أنا وهي الساعه2 نسهر واحيان اسوي قهوه سوالف اخر الليل أنا وياها
فيه أحد يعشق اخته مثلي
قسم بالله كان قلبي مايحمل لها سوى الحب والحنان
عمري مازعلت أو شلت عليها
على ارغم اني أنا واختي لا بد يصير بيننا سوء تفاهم
اما هي لا
والله لا
هي أنا
وأنا هي
روحين يجسد
قسم بالله مهما أكتب عنهما
مو عارفه شلون اوصلكم
كيف كنا متعلقات في بعض
كيف كنت احبها واستانس بسواليفها
هذي الصاله الي كانت تجمعنا
وهناك غرفتنا واسرتنا وكيف كانت تحلو السوالف عند النوم

وهذي قهوتي معي لوحدها
اليوم فقط أنا وقهوتي
عارفين شلون بس أنا وقهوتي
والله كان مايجلس معي أكثر شي على القهوه الا هي
أمي ماتشربها
وابوي كثير درجاته برى البيت
اسوي نشرب ونهر ج لين نقول بس
وكثير نردد احنا ليش ماننخطب ليش مو مثل البنات ليه مايندق بابنا
بس كنا نشجع بعض على الاستغفار
يازين يوم فيه أحد يشاركك نفس الهم
كان هي معي بنفس المعاناة
همي همها تشارك ونسولف لبعض ونفضفض
تؤئم روحها بنت عمتي تعد الأيام عد وتتلهف على الاجازه
علشان تجتمع فيها
والله اشياء كثيرررررررره كثيرررررررره
لو بقولها مراح اخلص من الكتابه
المهم برمضان صارت توجيها أحلام غريبه
صارت تقولي يافلانه أنا حاسه اني مراح أطول
يعني بتموت
عادي كنت اقولها حتى أنا حاسه مراح أطول
المهم مره تتضكرالاحلام ومره تنساها
ابن ادم تلهيه الدنيا مهما كان
ومره قالت أنا خلاص زواجي بال عطله هذي باذن الله
استغفر بأن يكون زواجي و زواجك بالعطله هذي
وتقولي استغفري
أنا كنت استغفر مره وانسى مره
مادامت مثلها
وهي تستغفر بنية الزواج لي ولها
وشاء الله وانتخبت من رجل ونعم فيه من كل النواحي
وكل البنات مايبونها تتزوج والله حتى وحده متزوجه
تقول الا فلانه لا
مراح أقول انانيه يمكن من حبهم الزايد لها
وصحبتها بنت عمتي تقول خلاص فلانه انتهت
مابيها تتزوج
عاد لو الزواج لهم طارو من الفرح
يالله عاد أنا فسرته قلت من حبهم الزايد لك
لو ما تهمينهم مااهتمو
ومرت الأيام وتملكت وحان موعد السفرتتقضى واخذت كل شي
وقالت باخذ لفلانه فستان واخذت لتوئم روحها فستان وجزمه الله يكرمكم وحتى الاكسسوارات رجعنا
لمنطقتنا
وقالت فلانه عندها ظروف ماتقدر تحظر الزواج
قالت بروح لها بسلم عليها قبل الزواج
لأن هي فعلن عندها ظروف
وبعد أيام اتصلت عليها بنت عمتي وقالت أنا يجيك بس مو حاضره الزواج بروح معك الكوفيره
وأعلن راحت معها الكوفيره وأعلن
وحظرت الزفه بنت عمتي راحت علشانها برغم ظرفها القاسي
ويوم جت يتمشي سلمت عليها وهي تبكي
وراحت وكلها دموع راحت لمنطقتنا ودموعها بعينها
وانزفت اختي وخلصت
وجلست كم يوم ثم قالو بخسائر
واحنا سافرنا لمنطقتنا الاولى الي فيها الشله
اللي كنا ساكنين فيها سابقا
واختي وزوجها سافرو لشهر العسل وأول شي يأخذوا عمره
واحنا وصلنا لمنطقتنا الاولى بالليل
أول مره اجي المكان بدونها
ياربي مو عارفه شلون بصحى وانام وحبيبتي موموجوده
جلست اصبر نفسي هم كم بيجلسو
كلها أسبوعين ونرجع
مثل قبل
خصوصا زوجها حبيب ونعم الرجل مراح تروح عنا وبيجيبها كل مولانا نعرفه ونعرف اخلاقه
المهم وانام اصحى الظهر على كلمة ابوي
مشينا مشينا
أقوم وأقول شفيه شفيه
قال فلأن فلانه صار عليهم حادث
ياه
مو مستوعبه
لا
مستحيل
واجلس ابكي
وطيران
لين وصلنا منطقة الحادث
ورجولي ماتشيلني ورحنا العناية
وشفتها جثه شبه هامده الا انفاس تكاد تخرج
وتجلس أيام معدوده وبفارق الحياه هي وزوجها
ماتو بعز فرحتهم
والحمدالله على كل حال
سبحان الله مرت علي الأيام
يارب لك الحمد
اقسم بالله ماحد حاس بحجم الحزن الي بقلبي
لاني مابين اذا جونا الناس اتكم واحاول اسولف
وكان شي لم يكن بس لحالي الله أعلم بالحال
الحمدالله على كل حال
عاد أنا اصريت اني اودعها الوداع الأخير بدنيا
عساه ماهو أخير
بالجنه اللقاء باذن الله
قلت لاامي أنا بروح المغسله بغسلها معاهم
وشجعت أمي ورحت أنا وهي
سبحان الله مثل الجبل نزل بصدري
غسلتها معهم وكفناها مارحنا الا يوم راحت بالاسعاف لصلاه والمقبره
وأنا رجعت للبيت شبه متبلدة والاحساس
ماعندي احساس كلش
سبحان الله مايجري البكاء الجامد الا بعدين
ياه تصدقون لو تشوفون بنت عمتي الحين كأنها يتيمة
اقسم بالله تحبني لما اشوفها
أحس ناقشها شي
صرت اتواصل معاها علشان قلبي وروحي الي رحلت
يمكن البعض ويقول وش نستفيد من هذا كله
اعتبروه فضفضه لقلب امتلاء جروح وهو كاتم
وعندي نصيحه
اشوف كثير من الاخوات يشكو من بعض
اختي عملت واختي مدري وش
والله مثل الاخت مافي بدنيا
لايجي يوم وتفقد و بعض
تصالحو توادو
لاتجي وحده وتقول اختي غير والاخوات مو مثل بعض
خليك أحسن منها وبتشوفي شلون تتعدل معك
أنا الحمدالله راضيه كل ارضى أنا ماافترقنا الا حبايب
أهم شي العريس
انتبهو من الأشياء الحرام مثل التنميص وغيره
الحمدالله اختي رفظت تشقر قالت تاركته لله الله يعوظها الجنه
ماعمرها بحياتها شقرت والله ثبتها
وكل من فقد غالي الرسول عليه الصلاة والسلام يقول من فقد صفيه فصبر ليس له جزاء الا الجنه
والحمد الله على كل حال
الصبر جميل والحمدالله