رآحة مآشفت بحياتي

السلام عليكم

ماعرف ابدا كيف

بس مضايقة وتعبانة من كل شي

احس اني مشحوونه قهر

اببتدي من طفولتي عشت في بيت 24 ساعه مشاكل


وكمان حصل لي تحرش من اخوي وتحرش ايضا وملامسات من عمي

طبعا استمرت لنهاية الابتدائي تقريبا

واخوي كنت اعاني منه معاناه الله اعلم فيها كان داشر وكل فتره ينسجن

وكنت ارتاح فترة سجنه

تخيلو كنت ارجع من المدرسة وامي طالعه زيارات

وهو يستقبلني

كنت احاول اتاخر ولا اروح بيت وحده من البنات كنت اخاااااااف ارجع البيت

المهم وصلت نهاية المتوسط

طلع لي واحد من اخواني ثاني

يشك فيني وانا وربي اني كنت بريئئئئه ولا افهم شي

ولا افهم الى شكه

مافهمت الالما كبرت شوي

واستمر يشك فيني الا بعد الثنوي

والله العظيم عشت معاناه مايعلم فيها الا الله حتى حاولت انتحر كم مره بسبب الضغط
الي كنت اعاني منه
صرت اشرب حبوب او دواء
وامرض بالايام ترجيع واسهال ومره اغمى علي

ولا احد سائل امي تطل مره مرتين فاليوم وخلاص

مع العلم ماكان عندي جوال وطلعاتي قليله ومحدوده

يجي يدخل لي الغرفة فجاءه واحيانا اكون نايمه وافز
ويطلع فيني ويطلع

واذا جا وشاف النافذه مفتوحه
يهاوش ليش فاتحتها وليش وليش

اذا بطلع وين بتروحي ومع من
اذا رحت غرفتي وعندي كيس وش فيه هالكيس

يراقب نور غرفتي اذا مشغل اولا

صرت احط بوشيه تحته عشان لايعرف اذا طولت ومانمت
اذكر مره
في رمضان كان ايام دراسة
وقبل اذان الفجر بشوي

طلعت باخذ ملابس عشان اتروش وكان نور الغرفه حق الملابس طافي

وجاء فجاءه ويصارخ ويهاوش

يفكرني اكلم واحد فالتلفون مع ان التلفون مو فالغرفة الي كنت فيها
رحت غرفتي وانا ارجف ومخنوقه منه

واسمعه يحط سبيكر ويعيد اخر الارقام

الله لايسامحه

طبعا شكه جاب لي الامراض تعبني

صرت عصبيييه وخوافة وكله ابكي

امي سلبيه
وابوي ولاكاني اقول له شي

يحب الاولاد اكثر منا
كتمت في قلبي
تخرجت بمعدل زين بس جامعاتنا

ماتقبل اضطريت اجلس فالبيت

وهو خف عني شووي
بعد فتره طلع لي قبول
ودرست فتره

وصار ظرف وانقطعت ورجعت
وفصلوني ظلم

ماتوفقت في دراسة
وجلست فتره وملييت

طبعا كنت انخطب على فترات بس مافيه نصيب
المهم انخطبت هالمره لولد عمي

واغصبوني عليه ابوي من جهه واختي واخوي من جهه
وامي من جهه
حسسوني اني ثقيله عليهم

الله لايسامحهم والله حسيت بكتمه ونفووور منه
وليومكم احس

تعليمه متوسط وياليت تفكيره زين او عادي عشان بسكت

الا احس فيه احيانا عقليته كانه بزر

هو طيب ويحبني

عشان لااكون ناكرة جميل

بس ماحبيته ابد

اسنانه صفراا وريحة فمه خيااااااس
فضيع

ويدخن
حاولت امنعه اقوله لا

واذا قرب مني وهو مدخن اقوله ابعد وكذا


صار يقول مافي واحد يخلي زوجته تتحكم فيه وتقوله لاتقربني وانت مدخن

قلت له وانا وش ذنبي
يقول المهم قلت لك ماحد يرضاها

وصار يطنش

اسنانه مايفرشهم احيانا عليهم طبقة

انقرف اذا باسني والله

وكله سعابيل ويقول اخذي من ريقي

من زين ريقك والله احس بتسمم

ودي اطلق منه مااااااااااااحبه ياربي وش اسوي
وين اروح

احس اني بالعه مووس
لا هو الي متقبلته ولا اقدر اطلق اهلي مستحيل

يوافقون

صرررررررررررت عصبيه مليوووون
ومعقده

صرت ابعد عن صاحباتي اخاف يسئلوني عن وضعي

وانحرج لان كم مره في جمعات يسولفون ويسئلوني ماعرف ارد
وجهي يقلب اللوان وانحرج مرره

شخصيتي صارت ضعيفه ومهزوزه

وجهي يحمر صوتي يرجف

صرت اقطع شعري اذا فكرت

وماعندي ثقة في احد

اذا دخلت ولازم اسلم على احد يدي ترجف

احس اني اكره الكل ماحب التجمعات

وغير عن كذا في شي صابني

وكسسسرني للحين اذا اذكره يوجعني قلبي من الي شفته



شورو علي انا ضاااايعه وتعبانه