يا وسـع صـدري ميـر للضيـق مرهـون
وإن ما توسّـع كلّـه .. يضيـق كلّـه
أحيان أجامل وأتـرك السـدّ مدفـون
وأضحـك مـا بيـن الخـطّـر المسفهـلّـه
وأحيان أجي مشحون .. وأروح مشحون
وأقـول مـن يعقـد حجـاجـي يفـلّـه
ثــلاث تحكمـنـي ولا قـلـت وش لـــون
المعرفـه .. والعاطفـه .. والجبلّـه
العقـل صاحـي لكـن القلـب مجـنـون
والكـل منهـم نظـرتـه مستقـلّـه !
يـا صاحبـي مـا للمحبـيّـن قـانـون
والحـبّ لـغـز .. ولا عرفـنـا نحـلّـه
قلبـك مثـل قلبـي مكـبّـل ومسـجـون
أحــرار مـيـر قلوبـنـا مستـحـلّـه
عسـى الغـلا لازال بالحفـظ والـصـون
والله يبـيـحـه لا تـغـيّــر مـحـلّــه
أهديتنـي جـمـره عـلـى راس غلـيـون
وأهديتـك مـن العمـر شيحـه وفلّـه
ورغـم إختـلاف المـدّ لا زلـت ممـنـون
والشـوق يآخذنـي علـى كــل مـلّـه
فوّحت دمّـي ليـن صـار أشقـر اللـون
وأخـذت مـن مـجـراه فنـجـال دلّــه
ما غير أغنّي فيـك لـو كنـت مغبـون
يا ملّ قلبي من غرامك يا مـن لّـه !
دايـم ضحايـا العشـق لإجلـه يضحّـون
كم فـاض مـن كثـر الضحايـا سجلّـه
وأنـا غديـت بحكـم فاتـن ومفـتـون
راضـي بحكـم الحـبّ والحكـم لـلّـه
وإن قام يكبر بيننـا شاسـع البـون
إرفـق علـيّ وشاسـع الـبـون قـلّـه
عـز الله إنّ الشـكّ مـاهـوب مـامـون
سيـف الجفـا البتـار يمـكـن يسـلّـه
إقنع لو أنّ الحـال مـن دون فـي دون
وأخـذ الكـلام اللـي عليـه الأدلّـه
لا تشتكـي لـي والعـرب وش يقـولـون
شـكـوا ً لغـيـر الله تـراهـا مـذلّـه
.
,
قصـيده آعشقـهآ
آتمنـى آن ترتقي لـ ذائقتكم
لم ترتقي لذائقتي تلك القصيدة .
.
.
.
.
لأنها تخطت ذائقتي بمراحل
فأنا أقل من أن أعلق على مثل هذه القصيدة
وأهنئك من كل قلبي على ذلك الإختيار
تقديري وإحترامي لك
أختك
قصيمية