رأيكم أتكفل بالراتب وأرتاح ؟!

السلام عليكم ورحمة الله وبركاته
اخواتي من جبت عاملة زوجي ماغير يسبب مشاكل بسبب الراتب خصوصا بعد ماشالو بدل المعيشة زاد عن حده مررره صاير نكدي وقلق وحاط دوبه دوبي انتي وش له العامله من زينها وزين تنظيفها واذا لقى شي وسخ يبداء التهزيئ فيني هذا اللي اخذناه من ورى العاملات شوفي المكان وسخ اذا لقى البلوزه ما انكوت زين قام يسب ويلعن مثال يقول الله يلعن من جاب ذا العاملة ودخلها بيتي الى البلوزه ماتجي مكويه صح مع انه نادرا نادرا اشوف تقصير منها لكن هذي اشياء تنعد بالاصابع
اما وقت دفع الراتب هذا عذاب نفسي يبداء يسفاب فلوسي انا ماعندي انا وانا والنفسيه تقلب صرت ابد ما اطلب منه شي ابد ابد تجيني شهريا الفين ريال من شغلي وابد ما اطلب منه شي ذا الفلوس اللي تجيني مكفيتني وماعمري قلت له عطني بشتري حتى طلبات البيت كم مره اتقضى للبيت بخفف عليه المصاريف ومع ذلك ما سلمت منه من جتني ذا العامله ماتهنيت فيها كل شوي مسبب لي مشاكل بسبتها بحجة انه ما احتاجها ووشوله واذا البيت كبير ودورين عادي قسمي شغلك مررره محومه كبده ويدور الفرص اللي تخليه يسبب مشاكل معاي بسببها انا تعبت كم مره يضغط علي صرفيها ما ابيها تنازلي عنها هي باقي لها ٧ شهور بالضبط وتخلص مدتها سنتين بدون مبالغة كل المده اللي طافت نكد في نكد وقلق في قلق بسبب زوجي اذا خليتها تنظف وتغسل الحوش قال لاتخرب حوشي بالمويه مو ذنبي انه ماعندها شغل واذا خليتها تكنسه وتمسحه في موية قال ليش الحوش وسخ مو نظيف شوفيها ماتنظفه عجزت واحترت معاه اذا خليتها تطلع غرفتها بدري عشان هو ياخذ راحته بالبيت قام يتطنز وش ذا الشغاله اللي بغرفتها من٩ راتب ابلاش واذا خليتها الى١٢ قال نشبه شيليها من وجهي تنقلع غرفتها هاالادمي عجزت افهمه ورب الكعبه تعبت معاه اخرتها امس زوجي يصفي دولاب الملابس حقه ولقى بلوزه له قالب لونها قديمه ناسيها كان بيرميها لكن يوم شافها انه العامله مخربتها زانت بعينه وقام يلعن ويشتم فيني وكله بسببك انتي وشغالتك وهواش وانا ما ابيها ما ابيها صرفيها انتي وش تبين بالشغالات ليه ادفع راتب الف ريال ليه والله لو أخواتي لو انا بشقه ما افكر بالعاملات لكن البيت كبير ويحتاج ورب البيت لو كنت اعرف انه قلق ونكدي كذا ما ادخلها بيتي العامله واريح راسي والبيت كيفه نقسم الشغل وانتهينا لكن فاوس التقديم مني انا وهو دفع واتبها ومتفقين وامورنا تمام طلع لي بسالفة النكد وانه بس تبلع وتاكل وماننظف زين واذا خليناها تكرف عشان يسد فمه قال لا اشوفها قدامي٢٤ ساعه تشتغل مو ذنبي ان ماعندها شغل وتوسع صدرها بالكرف خلها تظف وجهها
اخواتي امس خلاص تعبت والله بالصرف مررره مقتصده كله عشان يدفع الراتب بسكات وهو كله الف ريال راتبها بدون نكد وارتاح نفسيا تعبت منه ومن قلقه يدور النكد ليش مستعجل يبي يطفشني ويبيني اصرف العاملة و يبيني اكرف وانظف وش بيستفيد خلاص مادام انها موجوده خلها تكمل عقدها ولاحقين على الكرف اذا راحت ديرتها بعد كم شهر جايني الكرف وماعاد اجيب توووبه خلاص بعد اللي شفته من زوجي ونكده اعوذ بالله
انا طبعا جلست افكر قلت يمكن اذا صرت انا ادفع راتبها هجد وفكني من شره الله يشغله عني بداوم بس حاط دوبه فيني وفي ذا العاملة
رايكم ادفع الراتب بيخف ضغط وقلق ونكد تتوقعون ابي أرائكم تكفون الله يسعدكم