رأيكم بالمصروف الشهري للزوجة

اممم شوفي حسب التفاهم بينكم
انا مااطلب مصروف ولا احبه لانه بيقيدني
ف احب اطلب اذا احتجت مثلا سوق لاشياء خفيفه اطلب مبلغ خفيف
اذا للعيد ولا مناسبه كبيره بيحتلف المبلغ
واذا بنطلع استراحه مثلا او ملاهي
اكيد محدده مبلغ اطلبه اياه
واذا معه مابيقصر واذا مامعه الشكوى لله

انا حددت مصروف ١٠٠٠ الف ريال وهو راتبه ٩٠٠٠
وقال لي ماتطلبين مني شي الا ان جا الشهر الجاي يوم الراتب

بس مايكفي والله مايكفي 😢

شوفي اذا راتب الزوج من 8000 الي 10 وماوراه شي اشوف مصروف 1000 ريال جدا مناسب واذا عنده بعد مايقصر علي زوجته لو خلص مصروفها مثلا او احتاجت شي اضافيه بس بالمعقووول
واذا الزوج عليه أقساط والتزامات ومايبقي من الراتب الا القليل فحسب قناعه الزوجه بس مصروف 500 كويس واذا راتبه مره ضعيف حتي 300 ريال مافي مشكله وبالنهايه كل وحده مابتتزوج الا عاارفه ضروف الشخص الي بتاخذه وهذا شي مهم يعني لا تتزوج واحد راتبه 4000 وعنده التزامات واقساط وتقول بخيل مايعطيني

مصروفك انتي ٥٠٠ ريال
والعيال احسبي ١٥٠ ريال للكبار و١٠٠ للصغار
حسب عدد عيالك بيطلع مصروفك

اختي ايضا المصروف يحدده الحياة اللي انت عايشتها
بعض الحريم ماشاء الله بيتوتيات يعني ما يصرفون الا نادرا
وفيه العكس
فيه عوايل اجتماعات وعزايم وطلعات وصرفيات
وفيه عوايل العكس تماما
ايضا فيه الحياة الاجتماعية او الوسط الاجتماعي
كيف لبسهم ؟ من وين وكيف ؟
يعني بعض النساء الله يحفظهم كلهم لبسهم من اماكن معينه هم واللي حواليهم وتكون نوعا ما اسعارها حلوه ورخيصه
وبعض الاوساط لازم من اغلى شوي
وفيه الاوساط الاعلى ايضا
فانت اعرف الناس باللي يناسبك
صعبة اجي انا مثلا ومجتمعي ووسطي كلهم يلبسون من الهرم والمبارك واقولك خذي 200 ريال او 500 ريال تكفيك بالراحه وانت اللي مجتمعك يشترون من اماكن اغلى


او اكون من اللي يشترون اغلى واقولك خذي اكثر من كذا وانت وسطك الاجتماعي ممكن تاخذين مصروف اقل وتصرفين اقل
^^^^
اتكلم بشكل عام لا تجون تدافعون عن المبارك والهرم او العكس
وتطلعون برا موضوع الاخت