حابه اخذ رأيكم بكثرة انجاب الأطفال؟ وايش العدد المناسب في نظركم؟
كل وحده تقولنا كم نفسها تجيب
ريحة مطررر @ryh_mtrrr
محررة ذهبية
يلزم عليك تسجيل الدخول أولًا لكتابة تعليق.
قال صلى الله عليه وسلم :
((تزوجوا الودود الولود فإني مكاثر بكم الأمم يوم القيامة))
((تزوجوا الودود الولود فإني مكاثر بكم الأمم يوم القيامة))
توتوت
•
الزمن الحين صراحه الوحده ماتكثر الأطفال المفروض لأن الحين التربيه صعبه وأشياء كثير يعنى بالكثير 5 الناس ما شاء الله الوحده كبيره بالسن وتجيب 10 وفوق عادي الوحده لأزم ترحم نفسها والمفروض يكون بين كل طفل على الأقل سنتين الوحد تطلع من الأربعين على طول حامل بالثاني حتى زوجك لو يبي أطفال لا تسمعين كلامه التعب كله عليكي ولا تقولو الحريم أول كانو يجبون 15 الزمن أول مو مثل الحين كل شيء تغيره
انا مع ورده بكل كلمه قالتها والوحده تحمد ربها واللي يجي من الله حياه الله لانه صارت معي نفس السالفه والحمد الله عندي الان بنت وولد واتمنى يكون اكثر بس الحمد الله يرزق الجميع
الصفحة الأخيرة
ذكرتيني زمان
ويمكن من باب النصيحة اذكرها ,,,
وهي ان الوحده لا تتبيطر على نعمة ربي
في اول زواجي جبت بنت,,وكنت دايم اقول انا بجيب سته اطفال كل ثلاث سنين طفل
وخلاص مابي اكثر,,تعب وغثى
امي دايم كانت تقولي جيبي دامك باقي صغيره تتحملين وفيك شده
وانا بكل كبر وتعالي على نعمة ربي اقول لااااااااا مستحيل سته يكفون
والحمدلله رب العالمين جبت اربع بنات اصغرهم 3 ابتدائي والى الان انتظر ربي يرزقني
باطفال قبل ابلغ الاربعين
كنت احسب ان المسألة بسيطة وانا اللي متحكمة فيها وانا اللي على كيفي ابي ولا مابي
بناتي كبروا وماغير يا ماما جبي نونو يا ماما نبي نونو
ولاشافوا نونو لو بسوق تجمعوا عليه ويشموونه شمم ويبسون يده ورجيله الين يغثون امه هههههه
الشاهد:
الوحده لا تقول 2 يكفون لا 4 يكفون
صعب تربيه صعب اكلهم وشربهم ومصاريفهم لا صعب تلحقين على شؤونهم
لا لا
خليها بالبركة ,,
اذا ربي رزقك احمدي الله,,ودعي بالبركة والهداية والصلاح وربك يتولاهم برحمته
ولازم يكون عندك يقين ان الله الرازق ولازم يكون عندك صدق التوكل عليه ,,وان الله هو المدبر لامرك وامر عيالك
وانتي فقيرة له ماتملكين شي,,مهما فعلتي وبذلتي من الاسباب,,تبقين فقيرة لله مابيدك شي
واعلمي ان خيرة الله احسن وافضل من خيرتنا لأنفسنا
اسال الله ان يرزقني وكل من تتمنى النونو عاجل غير اجل ويصلحهم وينفع بهم
آمين
:26: