أها بس @aha_bs_1
عضوة نشيطة
رأيكم ربما فيه فرج
السلام عليكم جميعاً
ياليت تساعدوني برأي بذكر تجربة مشابهه بأي شي
أنا يا بنات عندي 3 أطفال جبتهم ورى بعض ما بينهم إلا سنة ونصف
وأخذت مانع لمدة 6 سنوات , المانع مو حبوب , كان المانع " كبوت"
ولي تقريبا سنة أحاول أحمل, رحت عند دكتورة وتعطيني كلوميد وأبر تفجيرية ولمدة 3 شهور وما نفع
وبعدين رحت للدكتور " طاهر صباغ" عملي فتح أنابيب وكانت مسدودة وكان عندي ارتفاع هرمون الحليب ونزل
وكل شي فيني سليم ولله الحمد حتى البويضات حجمها كويس بدون منشطات
وأخذت معاه كلوميد لمدة شهرين وكان يستغرب ليه ما فية استجابة, والشهر اللي فات أعطاني ابر منشطة لمدة خمسة ايام وبعدها إبرة تفجيرية وكل مرة يقول حجم البويضات ممتاز جداً , واليوم نزلت علي الدورة
أنهرت وصرت أبكي وشلون ما يصير حمل وأنا ما فيني شي ...!!
أستغفر الله تجيني لحظات يأس ما أدري وش أسوي
زوجي يقول منتي صاحية , شوفي فلانة مسكينة, وشوفي صاحبتك , ومستغرب من حالتي وتأثري
أخر مرة سألت الدكتور وش الخطوة الجاية إذا ما حصل حمل, قال تفائلي وإن شاء الله راح تحملين وبتؤم
ومرة قالي يمكن نبغى نعملك منظار, وبصراحة المنظار مكلف وكمان أحس أنه ما يحتاجه إلا اللي ما حملت ولا مرة أو تجهض كم مرة..
بنات وش نصيحتكم , أوقف عن العلاج ولا أكمل , ولا أغير الدكتور..
لا تقولون تمريخ, وأعشاب,, أنا ما فيني مشكله بينه, حتى زوجي فحص وسليم ولله الحمد
الله يجزى خير كل من تحاول تساعدني , وكمان كل من عطاني من وقته وقراء مشكلتي
.....
17
1K
يلزم عليك تسجيل الدخول أولًا لكتابة تعليق.
توته وكرز
•
والله ياقلبي ماعندي خبره بس اتوقع الحاله النفسيه هي اكبر مانع عندك والله يرزقك الحمل عاجلا غير اجل وكل متاخره الله لايضيع لنا تعب
مشكلتك قريبه من مشكلتى اناجبت ولد واخذت مانع سنتين والان ولدى عمره تسع سنوات ومن سبع سنين وانا ابحث عن الحمل وانا سليمه وزوجى سليم والدكتور يقول هذا يسمى تأخر الحمل غير المعلل اوالمفسر وهذا يكون علاجه بعد الله بالتلقيح الصناعى والحقن المجهرى والحمد لله على كل حال
الصفحة الأخيرة