رأيكم في أسهم أمازون؟؟

السلام عليكم ورحمة الله وبركاته
لقيت اعلان في قوقل وفي اليوتيوب عن أسهم أمازون واني أقدر أبدأ ب 200 دولار فقط صراحه قريتها 200 ريال ههه وسجلت بياناتي وايميلي وجوالي وأسئلة كثيرة جاوبت عليها وبعد انتهاء التسجيل ارسلولي خلك قريبة من جوالك بيجيك اتصال وبالفعل اتصل بي شخص يحاول يتكلم سعودي على مغربي على شامي ويشرح كيف بعد كارثة كورونا الناس صاروا يعتمدوا على التجارة الالكترونية وان أمازون شركة قوية معروفة والخ بعد ما تكلم كثييييير قلت له اختصر ما فهمت ولا شي قام عطى الجوال لإمرأة يقول انها المسؤولة عن الشؤؤن المالية كلامها شامي ورجعت تشرح لي قلت لها عندكم سجل تجاري أو تصريح أو رقم ضريبي حتى أطمئن انكم جهة موثوقة قالت عندنا لكن ما نعطي الا لعملائنا يعني تدفعي 200 دولار أو 800 ريال وبعدها نسجلك بأمازون ونفتح لك محفظه ونعطيك الرقم الضريبي للشركة (أهم شي أدفع) قلت لها لا خلاص مابي عصبت علي وقالت لي هذه أسهم ماهي كيكة نتقاسمها ، قلت لها مع السلامة وقفلت الخط.


رأيكم بتصرفي ورأيكم بأسهم أمازون هل صادقين أو نصابين..




خاصة الاعلانات الخيالية اللي على اليوتيوب اللي يقولك تبي تربح سبعة الالاف ريال يوميا والخ من الاعلانات.؟!
صراحة أمازون سابقا كانت بالنسبة لي ثقة لكن هذه الاعلانات خلتنا في مفترق الطرق بين مصدق ومكذب


مارأيكم.
من جربها؟