الزواج قسمة و نصيب محد فينا سواء قبيلية ولا غيروه تكتب نصيبها بنفسها..فماله داعي انو نحكي و نحلم و نتوقع الأسواء.. لو انكتب لها تأخذ اجنبي لو كل قبيلتها وقفوا ضدها وحاولوا يمنعوها ما راح يقدروا...

هل تقصدين اجنبي غير سعودي او غير عربي ؟؟
انا اشوف اذا كان محترم ودين واخلاق عادي صح العادات تختلف بس مايمنع الزواج

أنا اعتقد ان اكثر المووءيدات لزواج الاجانب بنات صغار ولا يعرفون في الحياة شي وابصم بالعشرة لو يتقدم لها اجنبي ان يحذفه أبوها من الباب،،

وبعدين من موهمكم ان الأجانب اكثر تقدير للمراه؟؟ أنا عايشه برا وتعرفت على ناس أشكال وألوان وجنسيات وفيه الصالح والطالح وترى التعميم لغة الجهلاء والأغبياء، وبعدين يا بنات ماله داعي السب المبالغ فيه للشاب السعودي بهالاسلوب يا شاهر يا ظاهر امام الجميع ونصير الجدار القصير الي كلن ينطه ونخلي الي لحم أكتافهم من خيرنا يتمادون علينا،، وبعدين زي مافي رجال سعوديين مافيهم خير فيه رجال ينحطون عالجرح يبرأ وينشد فيهم الظهر فكري بأبوك وأخوك وزوجك وولد عمك،،،،

الفكرة يا بنات من كلامي الزواج من اجنبي بالنسبة للمراه السعودية الي عايشه طول عمرها معززة في بيت أبوها بتعيش مرتاحه مع رجل اخر قد يكون اقل بالمستوى المادي والمعيشي وبعدين الرجل الأجنبي نااااااااادر ما تقعد زوجته بالبيت ويصرف عليها متعودين ان المراه مثله مثلها تطلع وتكرف وتدفع وانا ماقول هالشي ما يحصل عندنا يحصل نعم بس بنسب لا تقارن.

وبالختام يا بنات حكمي عقلك ووازني الأمور قبل الرد على هكذا مواضيع ،، والي ما يعجبها ردي تحاججني بأدب

اولا الحمدلله على نعمه الكل يتمنى عيشتتا عاد هذا تترك النعمه والحياه الهنيه وتتورط بزوج ماتعرف لااصله ولافصله ولاليش تزوجها والحمدلله هذا الزواج ناااادر ماعمري سمعته فيه الا بالاعلام اما بواقعي وبنجتمعي ماشالله مافيه
وبعدين السعوديه نادرا تتزوج اجنبي الا اذا خليجي ممكن مقبول اما اجنبي عربي وش ماكان شي غريب ومايصير الا ببيوت قليله جدا ولظروف خاااااصه

مثل زواج السعودي من اجنبيه لازم يكون فيه سبب قوي وتصريح وعلى قولتهم ماتركه الطير الا مافيه خير
وفعلا شي مستنكر تاخذ اجنبي وبصراحه يحق لنا نرفض ونتستغرب هذا الزواج
لانه مافيه اي تكأفى لا بالعادات وبالحاله الماديه او الاجتماعيه
بالغالب الاجنبي يكون طمعان فيها والخير الي بيشوفه من وراها وله اهداف اخرى وغير المرمطه الي بتاكلها من وراه وعيالها بيتشردون وحقوقهم تضيع
بصراحه احس حالات خاااصه جدا يتم الزواج ويستمر لانها بتندم وبتدفع الثمن غالي


ثانيا من قالكم ان الاجانب رومانسيين وطيبين بالعكس عصبين بذات جنسيه معينه انا خالطت عربيات ازواجهم اقسى منهم مافيه والضرب عندهم مثل شربه المويا وهي تكرف له ومايعجبه شي مو وحده او ثنتين والله كثيررر الزوجه مكروفه والزوج هاتي الشيشه وجالس يتأمر عليها واحنا الحمدلله مانوصل لكذا
والله لو احتكيتو فيهم تعرفون اننا اخذين فكره غلط عنهم مافيه اقسى من الاجنبي على زوجته لايغركم الظاهر واشكالهم بالاسواق لو عاشرتيهم يطلعون على حقيقتهم اعرف اجنبيه حتى بالولاده ماتروح لاهلها تقول زوجي صعبه اخليه لحاله والله وبالاربعين وتطبخ له ويتحكم مابغى هذا واطبخي وجيبي احنا الحمدلله ببيت اهلنا معززين مكرمين وشغاله والحمدلله مدلعات لاتنكرون هالشي
واذكر موضوع عن الشغاله والسعوديه ومعلقه اجنبيه مستغربه كثره الشغالات والبيت صغير او الاطفال قليل تقول عندنا بالعماره كلهن عرايس ومعهم شغالات احنا لو ايش مانجيب شغاله وحتى بتعبي مااجيب ولو عندي كومه اطفال نادرا الشغاله عندنا احنا لو الزوج حالته على قده بس فيه عادات تحده يوفر الرفاهيه لزوجته واطفاله
حتى بمسلسلاتهم باب الحاره ترا للان شبابهم كذا قاسين على حريمهم اجل ليش لما تتزوج سعودي اهلها واقاربها يحسدونها عشان عارفين الفرق و بتعيش بنعمه وخير وغير اخلاق السعودي الطيبه


من جد بعض الردود غريبه اذا انتي تعانين من قسوه زوجك لاتعممين على كل السعوديين
وومو من تكلمت بلساننا صارت سعوديه بعضهم اسماء مستعاره لتشويه سمعتنا والحريم يدرعمن ويكبن عشاهم

كون الزواج من اجنبي ما يعجبك ما يعطيك الحق تشككين بفكر الناس المؤيدين له ونظرتهم للحياة
لانهم بالاخير احرار .. ولانهم ممكن يكونون شافو شي عنصريتك للاجانب اعمتك انك تشوفينه ..

لما نقول الاجانب ارقى بنظرتهم للمراة فما يعني ابدا اننا نعمم ونقول كل الاجانب يحترمونها وانه مافي
اجنبي يحتقر زوجته ، شي بديهي يكون فيه الطالح بالاجانب من غير محد يوضح ، لكن الكلام مو على النسبة
الكلام على النظرة والموقف نفسه ، سواء الاجانب العرب او غير العرب ..

تكون فيه امور اقرها الشرع كحق طبيعي للانثى نلاقي السعودي مايعطيها زوجته ما جازت لجنابه الكريم
بينما الاجنبي يعطيها وبايمان وقناعة انه حقها ..

ماله داعي السب تقولين .. والله ان هو سب فهو سب خاص للي يحتقرونها اصحاب الفكر الجاهلي ويستاهلون !
وان هو مو سب فهو عرض لسلبيات كبيرة بفكر كثير من الرجال السعوديين تخلي حياة الانثى معهم مو طبيعية
ناقصة مو مريحة .. ولا احنا مجبورين نجامل وننعمي .. اساسا هل السعودي الي انتي تنظرين له نظرة التبجيل
هذي ينظر لك بنفس النظرة ؟ لا طبعا فمرة نظرتك مو بمحلها .. معطيته اكبر من الي يستاهل

الاجنبي في ميزات معينة ممكن تكفل عيشة احسن معه من العيشة مع السعودي فان حصل زواج
وكان هالاجنبي مستقر بديرتي او ديرة قريبة فمو معقول اتناسى هالميزات عشان والله لحم اكتافه من خيرنا !!