اتمنى منكم التعليق والنقد على هذا المخطط لمنزلي مع الشكر والدعاء لجميع المشاركات
http://dc10.arabsh.com/i/02659/f5ncyl86ub02.jpg
مساحة الارض 900 متر 30 في 35 على شارعين
1- مجلس رجال + مشب + دورات مياه ومغسل وانتم بكرامه ( خارجي )
المدخل ياليت تعلقون عليه وإذا كان شكله قديم ياليت تحطون لمداخل جديده ومساحته حلوه ولا لا
2- مقلط + مغاسل فقط
3- مجلس نساء + دورات مياه ومغاسل << وش رأيكم بمدخل النساء مناسب ؟
4- صالة جانبيه وهل شكلها حلو او أسويها بشكل مسدس او دائري وهل يأثر في سعر البناء
5- درج في الصالة دائري على الجدار << وش رأيكم بمكانه وكم مسافة الدرج حتى يكون مريح
6- غرفة ومقلط ودورة مياه لأمي خاص
7- غرفتين بينهم دورة مياه
8- غرفة شغالة مع جزء ملابس ودورة مياه << لكن وين انسب موقع لغرفة الغسيل هل اكبر دورة المياه واحط الغسالة داخلها او يكون لها مكان مستقل
9- المطبخ مفتوح عليه المخزن
10 - الدرج جانب المطبخ
11- مشب خارجي لأهل البيت ملاصق للبيت نفسه ويطل على الحوش وبرواية أهل نجد ( السور )<< اي شئ
الدور الأول << فوق
بصراحه ماعرفت ارسمه كامل لاني ما اعرف كم راح تاخذ مساحة الدرج والقبة الي على الصالة
وياليت تفيدوني وين انسب موقع للقبة
مع العلم اني محتاجة 6 غرف نوم بين كل غرفتين دورة مياه ومقلط جنبه دورة مياه او اكتفي بالصالة الي فوق + كوفي صغير للشاي والقهوة ومكتبه ينفع هالاشياء كلها
معليش تحملوني
فيه سؤال محيرني وحده تقولي ماتقدرين تبنين فوق المطبخ شئ لانه ممنوع ؟؟؟
صحيح ولا لا
انتظركم بفارغ الصبر - اي سؤال انا جاهزه
مع العلم اول مره ارسم مخطط والحين بكمل شهرين وانا احوس فيه بس تقريبا الحين راضيه عنه
طبعا البيت بيت حمولة كبير واي احد عنه رأي لا يبخل علي فيه
لا حرمكم ربي الاجر