رأيكم في مشكلتي ؟؟؟ تعالوا ...؟

في البدايه حبيت اكتب مشكلتي علىامل القى حل ؟؟
انا متزوجه من 7 سنوات وعندي بنتين الاولى 4 سنوات والثانيه سنه ونصف المهم حياتنا حلوه وطبيعيه والحمدلله امورنا الزوجيه تمام وانا احب زوجي وهوكمان يحبني ؟؟
بس فيه مشكله يمكنها صغيره عندكم بس انا اشوفها كبيره من كثر حبي لزوجي وغيرتي عليه ..
اقولكم السالفه علشان ما اطول عليكم ..؟؟؟

السالفه ان زوجي موظف حكومي وانا موظفه اوكيه ..
المهم ابو زوجي موظف وبنفس الوقت يشيل بنات الكليه على الباص من البيت الى الكليه ومن الكليه الى البيت ..
ابو زوجي تعرض لحادث وانكسر ظهره وتعب ودخل المستشفى .. طلب من زوجي يشيل بنات الكليه مكانه الين يطيب ويتعافى .. المهم زوجي مثالي لابعد حد والحمد لله انه يسمع اي طلب من امه وابوه ولايقدر يقول لهم لا ابدا حتى لو كان على ساب حياته او زوجته او عائلته .. وهذا شئ افتخر فيه ان الصفه هذي فيه اهم شئ تكون لوالديه ..

زوجي صار يودي بنات الكليه الفصل الاول كله الين تعافى خالي .. ومازال يشيلهم الفصل الثاني كله مع العلم ان خالي ابو زوجي صار بخير وعافيه وبامكانه يشيلهم لاكن ما شالهم وزوجي هو اللي يشيلهم .. وانا طبعا راح اسكت لان ابوه هو اللي طالب منه الشئ هذا .. والآن حنا في نهاية الفصل الدراسي الثاني وبنات الكليه يختبرون .. طبعا راح تكون طلعاتهم من الكليه متفاوته بحسب مواد الاختبار ... الزبده من هذا كله هو ان في يوم من الايام كان عندي موعد في المستشفى بسبب انه اكتشفوا عندي حصوات في المراره وراح ادخل على الدكتور وايفحصني ويقرر علي العمليه .. كان الموعد الساعه 10 صباحا وكان زوجي عنده خبر بالشئ هذا .. وهو اللي راح يوصلني مع العلم اني خارج الرياض يعني ساعه على بال ما اوصل للمستشفى .. قالي زوجي البنات بيطلعون الساعه 10 من الكليه وقلت له خلاص مو مشكله اتاخر واروح للمستشفى بعد ماتخلص منهم المهم زوجي طنشني ومارح لهم الا عشر ونصف وقالوا له انهم ماراح يطلعون الا الساعه 12 الظهر .. اوكيه معي انتم ..؟؟
اتصل فيني وقالي عن هالشئ وقلت يعني تتوقع ما اروح للمستشفى وانا يالله حصلت هالموعد وانت عارف اني تعبانه والمفروض اني ما اتاخر ..طبعا صارت الساعه 11 وربع وخذاني بالسياره وقالي راح يحطني بالمستشفى ويرجع لبنات الكليه يشيلهم ويوديهم لبيتهم يعني انا رحت الساعه 11ونصف راح اوصل الساعه الساعه 12 ونصف بالكثير على بال مايرجع لهم الين الساعه صايره وحده ونصف وهم راح يطلعون 12 الظهر ...!!!!!

طبعا انا عصب وتنرفزت وقلت والله ماترجع انا مارا ح اطول تحطني لحالي وتروح ؟؟؟
قلت له روح للحارس حق الكليه وقول له يقول للبنات ان اللي يوصلكم يعتذر ويقول مشغول وهم بدورهم راح يتصلون على اهلهم وياخذونهم .. او قول لخالي اللي هو ابو زوجي يوديهم بس هالمره علشانك مشغول بتوديني للمستشفى ..!!!!!!!!!!!!

وحصل اللي ماكان بالحسبان رجع واحنا بربع الطريق ورجعني للبيت قلت وين مرجعني يالله للمستشفى متاخرين ؟؟؟
قال برجعك للبيت واذا خلصت من بنات الكليه وديتك للمستشفى ؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!111

طبعا انا انعميت ومعاد شفت من القهر ..؟؟؟ تبديهم علي على زوجتك اللي يالله حصلت على موعد ؟؟؟

وغير كذا مافيه اي وجه مقارنه بين حاجتي لك وحاجتهم لك ...؟؟ !!!!!!!!!!!

طبعا انا تنرفزت وعليت صوتي عليه وقلت له كلام جارح .. وطلبت منه ينزلني عند بيت اهلي .. ما ابغى بيتي ؟؟؟

طبعا هو من القهر علي وداني لبيت اهلي ...
وانا من القهر اتصلت على السواق ورحت مع السواق لموعدي ولا وصلت الا الساعه 1 الظهر وخليت جوالي على الصامت علشان ما اشوفه وهو يتصل واضعف وارد عليه .. طبعا بعد ماخلص منهم اتصل فيني وهوعلى الصامت وصارت المكالمات تقريبا 30 مكالمه يبغى يودني للمستشفى مايدري ان رحت مع السواق بدون اذنه ؟؟من القهر طبعا لان لو اهمه كان وداني هو ؟؟!!!!!!!!!!!!!!وخلصت الموعد وجيت ..
وجبت بناتي عندي وضفيت عفشتي وارسلت له رساله لانه كان مو موجود في البيت ...العفش تجيبه لبيت اهلي ..

المشكله انه جاب العفش ونزله عند اهلي ماحاول حتى يطلبني او يتفاهم معي او يعرف سبب زعلي ..؟؟!!!

والحين هذي مشكلتي بحذافيرها .......... ابغى اعرف ردودكم ... وتشوف لي حل فديتكم ..