رأيكم يهمني يا أحلى صبايا

السلام عليكم
كيف حالكم حبايبي بنات عالم حواء؟؟؟؟ مارح أطول عليكم بأدخل بالموضوع بسرعة
وش رأيكم لو كنتيم مكاني في هاذا الموقف شنو بتكووون ردة فعلكم
أنا الحمدالله من علي ربي إني أتربى ببيت ملتزم وإني أكووون ملتزمة الله يسعد أمي وأبوي على هالتربية أنا حاليا متزوجة بس كنت مرة قبل فترة جالسة أنا وزوجي وأمه في بيت أهله وبدت تتكلم على العرس وهو عنده اثنين أخوان متزوجين بعدي المهم إني رفضت يووم عرسي إنه زوجي يدخل معاي بالزفة وأهم أسبابي من وجهة نظري أولاسمعت إنه محرم شرعا إني أدخله وسط نساء وأنا ماأحب أبني بداية حياتي على معصية ثانيا أحسها قلة رجولة في الرجال يووم يدخل وسط الحريم وحنا عند أهل زوجي يدخل العريس الزفة ويغير مكان الدبلة وبعدين يأكلون الكيك ويشربون بعض وبعدين يرقصون سواء . ثالثا مراعاةااة لمشاعر الضيوف لاتنسي إنه فيه بنات باقي ماتزوجو وفي بنات مطلقات وفيه أرملات من الحضور وكمان لبس العباية والشيء الأخير الحريم الأغلبية عيونهم على العريس ربعدين تبدأ المقارنه بينه وبين العروسة والعريس يأخذ له نظرة على الأغلبية والأغلبية بيكونو متلثمات ويبان مكياجهم كل هالأسباب كافية إني أرفض دخلته معي المشكله إنه زوجي قال لأمه فاضي اللي يدخل صايرة تقول الواحد مايحس بالفرحة إلا إذا زف عروسته وإنها ليلته وإنه مرتك ماخلتني أفرح فيك وهي اللي حرمتك من الفرحة أنا ماتحملت وقلتلها أحس اللي يدخل فيه قلة رجولة زعلت مني و زوجي خرج من المكان وكانت مرة أخوه بغرفة ثانية جاءت تنافخ علي إني أقصد إنه زوجها مورجال قلتلها هاذي وجهة نظري فيه قلة رجوله وأنا ماتكلمت عليك أنا تكلمت بشكل عام ماخصيت زوجك وقلتلها شنو الأسباب اللي مخليتني أرفض دخلة العروس وهي تفكيرها مبدئي شوي قامت تقول ليلتي وأبي أحس بالفرحة ولا شنو الفايدة من ليله العرس وأم زوجي قامت تأيدها ضدي وأنا بماإنها يعني معقوله السعادة الزوجية بدخلة العريس معاها يعني تبين تروين الناس مدى سعادتكم ماتخافين على نفسك من العين وش الفايدة إذا دخل وتمت فرحتي وهو بعد الزواج يعيشني بجحيم أهم شيء خليتهم يتكلمون مو راضية تسكت بسرعة رديت عليها وقلت اختلاف الرأي لايفسد للود قضية وهي إلا تبيني أسحب كلمتي المهم أنا مارضيت لإني لي عقلي الخاص ووجهة نظر خاصة فيني وبالأخير صايرة تتريق علي وتقول يعني مافي إلا زوجك الرجال من بين أخوانه لو كنتم مكاني وش بيكون ردة فعلكم عليها وعلى أم زوجي أبي الصراحة بالجواب:26: