على ما توصلي 10 سنوات و ترتاحي بتكرهي عمرك
الزمن اتغير و مافيه بركة بالوقت سبحان الله
هذا انا عندي طفلين يعتبرو ورى بعض بدون تخطيط مني
جاتني ظروف نقل من بيت لبيت و غير المسؤوليات العاديه
و الغيرة موضوع ثاااااني ترتبي لنفسك جدول غصب عنك يحوس
يمرض واحد و يعدي الثاني و تستمر معاناة السهر و الرعاية
مستحيل ام الاطفال اللي ورى بعض ترتاح الا اذا تربيهم بس اكل و شرب و يالله امش بدون توجيه و اهتمام
لنفسك زوجك دينك عافيتك عليك حق الحياة ماهي حمل و ولادة بس

اول شي مو 5
هذا اجحاف لك ولاطفالك اللي يحتاجون عناية وتربية مو بس انجاب
وايضا لجسمك اللي يحتاج للراحة واللي حتى الاسلام اعطاه 2 سنتين رضاعة للطفل عشان يسترد قوته
اذا تبغين جيبي اثنين ورى بعض حلو صحيح متعب لكن اهون من 5 ويتربون مع بعض وتعبهم واحد ويلعبون مع بعض
ولما يدخل الصغير مرحلة ترك الحفاظ وتسجيل الروضة تقريبا 3:30 سنوات
وبعد اخذ الفيتامينات والاكل المغذي وبعد ما يستقلون الاثنين الكبار في المدرسة ممكن تفكرين تحملين بالاثنين اللي وراهم
او كملي دراستك بعد ما تجيبين هذول الاثنين لمدة 4 سنوات وبعد ما تتخرجين احملي بأثنين ورى بعض ونفس الشي انتظري الين مرحلة ترك الحفاظ وجيبي عاملة تساعدك في البيت وليس الاطفال
و بعد نفس الفترة جيبي طفل ويكون اخر العنقود يوسع صدرك
لكن لا تصفينهم ورى بعض
الا اذا عندك قدرة جسدية وصحية ونفسية وايضا مادية تقدرين تجيبين اكثر من عاملة اللي تمسك بيتك من - الى
وانت تتفرغين للانجاب والتربية

كلن وقدرته
اشوف كثير جايبين ورا بعض ومبسوطين خصوصا اذا كان الزوج يساعد بالبيبي والرضاعه والتغيير واموووره والبيت وشغل البيت حتى الام تسافر نقاهه والاب يمسك الاطفال بالبيت واعرفهم شخصيااا الاب شايل مسوؤلية البيت والاطفال على راسه وزوجته مخليها ملكة




انتي ادرى بوضعك لو عندك قدرة جسدية ونفسيه

الحمل ورا بعض يرهل المهبل ويفكك لحمك
انتي من يتعب ولا الرجال ماهمه لان مايحس بشي
صحتك تروح فيها وعظامك وتكبرين بسرع

حسب قدرتك
بس بتجيبي 5 ورا بعض وبعدها تلتفتي للجامعه مررره صعب والاطفال يبيلهم عنايه ورعايه واهتمام ووقت وترفيه ومدارس ووووامور كثيره وخمسه ورا بعض مرره كثير
جيبي خمسه وعدد حلو والله يرزق الجميع لكن ليش ورا بعض هنا التعب جد
الله يعينا جميعا يارب