هو اليجار ارحم لكن انتي تعرفي اهل زوجك اكثر تقدري تعيشي معهم ولا لا خليك رسمي اذا حسيتي بداية مشاكل ولاتكثري ش كوى معهم والله ترتاحين الله يسعدك ويبعد المشاكل عنك

اقصد لاتكثري شكوى لزوجك من المشاكل لاسمح الله وعن تجربه وان شاء تعيشي مرتاحه معاهم اصابع اليد مي زي بعض كثرتها عليك معليش من معاناتي

ياشيخه توكلي على الله وابدعي بالديكور والاثاث بعيد عن الايجار ودي ان اهله يقولون ابن فوقنا واو وابعد عن هم الايجار اللي هدنا موفقه

بالعكس مدامك ببيت مستقل حلو
وانتي ادرى الناس باهل زوجك هل هم راعين مشاكل او ناس عاديين
اذا مو راعين مشاكل بالعكس احسه مكسب
يمكن الشي الوحيد اللي بتعانين منه في البداريه اتوقع هو غياب زوجك اغلب الوقت عند اهله ومع الوقت بيصير الوضع عادي
واهم شي استخيري والله يكتب لك الخير

بالنسبه لي ساكنه مع اهل زوجي هم طيبين بس لابد من الغيره وبذات الام و ماعاد تاخذين خصوصيتك في بيتك يعرفون متى تطلعون ومين يجي عندك فانا متضرره من هذي النقطه لما يجيني احد استحي اني استقبل احد من دون ما اناديهم وزوجي صار طول وقته تحت يعني نادر ما يجلس واذا جلس يتصلون عليه عشان ينزل لاتتوقعين انك وانتي ساكنه في دور لوحدك انه بتكون لك خصوصيتك وهم تحتك