والله انك صادقة
هذا أنا من راحت خدامتي وجات مشكلة توقف الأندونيسيات وأنا منقطعة عن العالم نادر جدا اخرج من البيت بسبب الكرف
طول يومي بين شغل في البيت(دورين) ومتابعة طلبات الأطفال ودراستهم(ربي يحفظهم 2 ف المدرسة و2أقل وأصغرهم بيبي يحتاج لرعاية )

والله أحس اني ف دوااااااااااااااااااااااااااااامة ماتنتهي إلا إذا جات الخدامة
هذا غير العصبية التي أصبحت ملازمة لي بقوة
يارب ترزقنا بالي تريحنا ياااااااارب

لكن رغم هذا لتعب دائما أدعي بأن ربي ييسر بالي فيه الخير لنا ويكفينا شر من به شر
اللهم آآآآآآآآآمين

بعدين الي يعارضون وجود الخادمة...مع احترامي مو كلهم صدق
أنا بنفسي شفت نماذج ف جلسة حريم مجموعة عندهم خادمات ويقولون والله ملابس أطفالنا نغسلها ع اليد(طبعا الخادمة تغسلها) مانحطها ف الغسالىة نهائي
والمجومعة الثانية عندهم اطفال ماعندهم خدامات ويقولون تغسلها بالغسالة وشوفي كيف يواجهونها كأنها أعول(أكسل )إنسانة على وجه الأرض-وقيسي على ذلك-
بعد فترة وحدة من الي كان عندها خادمة راحت خدامتها ونطقت بنفسها انها تغسل ملابس الصغير ف الغسالة الشغل متعب مع العلم البيت فيه بنات كبار ماشاء الله والي ماعندهم خدامات كل الي عندهم أطفال صغار....

صراحة انا مني وحدة مااحب الشغالات ولا احب وجودهم في البيت
يجيبون العلة وماتقدري تاخذي راحتك كأنها تشاركك في بيتك خصوصا اذا كانت شقه
اما البيوت الكبيرة وراعيين العزايم انا اشوف ان الشغاله ضرورية لهم

انا اشوف انها مهمه وبقوه ممكن الي عندها اطفال صغار ماتجيبها علشان تقدر تلبس على كيفها بس الي عندها كبار مثلي ماتقدرين تلبسين اي شي الا بناطيل وبرمودات هذا عادي بوجود الشغاله بعدين انا مشيه بيتي مثل الساعه قولوا مشاء الله عيالي الساعه 7 نايمين علشان المدرسه وحتى بالعطل والشغاله تكون مخلصه شغلها بدري بعد عشاهم بعدها تدخل المجلس حق الحريم وتنام واكون منبهه عليها تاخذ معها ماء وفطيره علشان لو تعطش او تجوع اهم شي ماتطلع والحمام عندها حمام الرجال ومن تنام وانا زوجي على كيفنا نسهر والبس على كيفي والحمد لله مرتاحه واذا طلعت بالليل هم نايمين وهي بعد والبيت كاميرات وكل شي اسويه وفي الاخير على رب العالمين واتصدق بنية ان الله يحفظ لي زوجي وبيتي وعيالي وربي كريم

اااااااااااااااااااااااه جيتي على الجرح ولله

شوفي يااختي النظيفه والمرتبه نظيفه بشغاله او بدونه

لان هذي طبيعته ماتقدر تغيره

بعد فيه ناس عندهم شغالات ودايم قمصان وشوش وشحوم متراكمه
وفيه عنده شغاله ودك تاكلينه من الترتيب

وفيه ماعنده شغاله وساخه ونوم واهمال

وفيه ماعنده شغاله وانواع الترتيب والنظافه والاهتمام

والرجل السعودي مو زي اول الان باالعكس مااحس انهم سيئين