اليوم جالسه احسو بالنت كالعاده <<<<<< لاشغله ولا مشغله :09:
وانا كل بين فتره والثانيه اجلس اتصفح الجرايد
المهم وانا اتصفح جريدة الرياض قاعدت اقرأ كريكاتير الهليل حق يوم الجمعه الي هو قبل امس
وانا من عادتي احب اقرأ تعليق الناس الي يضيفون ويااااااااليتني ماقريته الا ضاق صدري :icon33:
وبصراحه هو فيه شيء من الصحه بس برضو قهرر
كل واحد يعلق تعليق اقوى من الي قبله
عاد اقتبستلكم بعض هذي التعليقات
1
والله ان اغلب بنات هالجيل مايعرفون شي مغير نوم من الفجر لين العصر واذا جاها النصيب وزوجوها اهلها اكتشف الزواج انها ماتعرف كوعها من بوعها وحتى هي تنصدم بطلبات الزوج وحقوقه عليها وهذا بالنهايه هو سبب فشل الحياة الزوجيه لازم يكون فية دورات ومراكز متخصصه تعمل دوره مدتها بسيطه للبنت المقبله على الزواج تشمل الطبخ والعناية بالبيت والترتيب والنظافه ومعاملة الزوج وكيفية العنايه بالمولود.الخ
وصدقيني راح تقل اعداد المطلقات بس وين اللي يسمع
2
فهالزمن العزوبي يقوم بشغل البيت أطلق من المراة بستين مرة
المراة ياصل عمرها العشرينات وهي ما تعرف تصلح حتى شاهي
بس فاضيات للفضائيات و نانسي لابسة وهيفا أعرست.
3
اغلب ميزانية الشهر تصرف على المطاعم..
المشكلة اذا حبيت تميلح وعزمتها في حدا هالمطاعم الفاخرة..
وتطلع بعد ماتاكل لقمتين.. ودافع ميتين !!
4
برأيي الشخصي كل اللي واحد يوقف على المطاعم وهو متزوج تراه رجل على بند سبيس تون :)
يعني هالحين بالعقل الواحد متزوج عشان مرته تطبخ له وتقوم بشؤونه وشؤون عياله والا عشان ياخذها من نومتها فبيت اهلها تكمل نومتها في بيته وهو يركض بين هالمطاعم غدا وعشاء !!! اللي ماتبي تطبخ وتصحى لبيتها شلوتي يوديها بيت أهلها تكمل نومتها هناك :)
وليت الوضع بس على كذا الا أدهى والأمر من تصحى المدام من نومة هل الكهف بلعت وطلعت للأسواق والمجمعات والافندي ماغير يدودل راسه وراها ويدفع ويشيل الأكياس بيد والبزر بيد وهي ماسكه الجوال : ألو فلانه أخذ الفستام الأصفر والا الاحمر :) وعجبي !!!
أعزو نفسكم الله يعزكم عاجلا غير آجل
5
الله إنها الحقيقه.. هناك ازواج ما يأكلون إلا من المطاعم.. الزوجه مالها نفس تطبخ..
علماً أن المطبخ مهيئه بجميع الوسائل التي تساعد على الطبخ.. لكن مانقول إلا الله يخلف.
6
كيد اكثر المتوزجين على هذا الحال والمشكله ياعبدالسلام ان بنات هاليومين اذا خشت المطبخ ماتعرف الا سلق البيض وسكب لبن قليل الدسم في الكوب.؟
هاه وش رايكم بالتعليق هو صحيح الحريم مو كلهم كذا بس فيه ناس الله لا يبلانا كذا :(
لا مو صحيح كلامهم أكثر بناتنا ماشاء الله طباخات
لكن اللي اكتبوا التعليقات ناس فاضيين واكثرهم عزابية
وحتى لو وجد تلقاها أول أيام زواجها كذا وبعدين سرعان ماتتغير وتصير أطلق طباخة بالعالم العربي .