الله يعافيكن حلن مشكلتي
من ضيقة الصدر سجلت بنادي الحي في حينا
اروح كل عصر من ٤ الى ٦ العصر انا وبناتي
زوجي يقعد لحاله في البيت مو اجتماعي و عصبي و لا يضحك و لا يناقش عالصامت ...
مايبيني اطلع للناس و لا اختلط فيهم مايبيني اتعلَّم و لا اشوف ... علماً انه رفض اكمل دراستي معي ثانويه فقط
جاني أمس يقول : راح افصلكم من النادي
قلت : ليش ؟؟
قال : ماتستفيدون شئ ، يروح وقتنا عالفاضي
( هو قصده يبيني اقعد عنده بالبيت )
وقبل فتره ام زوجي تقول : يافلانه اذا كملتن شهر افصلن ....
وشكل خالتي قايله شئ لزوجي ، استغفرالله مابي اظلمها ولا ابي علاقتنا تخرب
وبنفس الوقت ماأبي افصل من النادي ، تعرفت على حريم سوالف و وساعة صدر حتى بناتي انبسطن
احس مخي واقف مو قادره افكر وهو مصمم على رأيه
يلزم عليك تسجيل الدخول أولًا لكتابة تعليق.
تولان
•
روحي ووقفي. وروحي ووقفي فترة وفترة
حبيبتي هذا زوجك يعني مفتاحه عندك شوفي كيف تقدرين تخلينه يوافق بدون لا تضغطين عليه او تحسسينه انك مشيتي كلمتك يعني مثلا تدللي عليه اطبخي له الي يبي وسعي صدره سوي له مساج وتحايلي عليه تكفي يابو فلان والله لقيت جارات عسل هناك وعيالك مبسوطين ويلعبون هناك مع العيال وانا اغير جو وتتغير نفسيتي واجيك عسل ومن هالكلام واذا لزم ورفض خلاص وريه الوجه الثاني اقلبي عليه وخلي نفسيتك خايسه واذا سالك وش فيك قولي ملانه كنت متسليه بالنادي والحين ماغير مقابله 4 جدران وحتي عيالك صايرين مزعجين وين يفرغون طاقتهم وكذا والأفضل تجلسين تتناقشي معاه ليه هو رافض وش السبب هل مادي او معنوي او بس كذا عناد
مناريتا
•
قوليله يابن الناس ماسويت شي حرام لا إني اللي رحت نادي اختلاط ولا اللي رحنا بار والعياذ بالله كلها نادي نترييض فيه عشان صحتنا وأشكالنا وبس
الصفحة الأخيرة