الله يرزقك وكل مسلمه واهم شيء الاخلاص في العمل

تستاهلين كل خير كملي متابعتكي

سبحان الله
هو القادر على كل شئ
والاستغفار يفتح الأقفال وييسر الأمور
وقد ماالانسان يكون واثق من ربه
قد ماايحس ان الناس مالها اي حول او قوة على منع او منح الرزق

متابعين معاك اختي

بصراااحة أختي
انا من بديت بالاستغفاار أحس ان أموري تتيسر..........
تستاهلين كل خير كملي متابعتكي

أكمل لكم حكايتي
وسبحان الله وهم يفرزوا بالملفات حصلوا وحده مقدمه باسم أبوها ومولود بنفس القريه الي مولود فيها أبوي لكن كيف عرفوا أبو الي قدمت وكانت الشمعه التي أضاءت حياتي من غير ماتعرف
مكتوب اسم القريه صريح وبين قوسين الاسم الثاني للقريه الي مولود فيها أبوي وبكذا عرفوا أن القريه الي مولود فيها أبوي هي نفس القريه الي موجوده بالمحافظه وطبعا رجعوا من جديد يبحثوا عن ملفي وطلعوه وأتصل علي واحد من الموظفين بالديوان وسألني عن شهادة الخبره وتاريخها وسألته أنا خلاص توظفت قال أنت على بالك أنك توظفتي طبعا هو لاحظ علامات الفرح بصوتي وشوي أبكي قلت أيوه قال إن شاء الله وطبعا الموضوع حق القريه واستبعادهم لي في البدايه ماعرفته إلا بعد ما طلع اسمي وكنت طول الوقت استغفر مرت الايام ثقيله بالنسبه لي لأن هذي الفرصه الاخيره لي وبعد كذا بتطلع قرارات صعبه أكثر من هذي لا الأكل تهنيت فيه ولا النوم كأني أنتظر قصاصي شيء مرعب والانتظار ممل مرت الأيام بثقل وصعوبه ودخل علينا شهر رمضان واتصلت علي صاحبة المدرسه الأهليه لوظيفه وراتبها 1500 وجالسه أفكر لو أوافق يضيع وقتي بالتحضير ويروح علي رمضان وما أضمن أعيش للسنه القادمه وأنا ولله الحمد أجتهد بالعبادات وأحس إني متردده المهم من غير إحساس أتصلت وقلت للمديره أعتذر جدا وقفلت السماعه هذا يوم الأربعاء والحمد لله مستمره بالاستغفار ومن ترك شيء لوجه الله عوضه الله خيرا منه ويوم من الأيام كنت عند أهلي وسرحانه بوضعي وبالوظيفه إلا تتصل عليه وحده الله يرزقها ويرزقكم من خير الدنيا والآخره وتسولف معي وتقولي انتي توظفتي في المكان الفلاني ( القريه الي مولود فيها أبوي الغالي ) وأختك في قرية ( ؟؟؟؟؟؟؟؟؟؟ ) أنا ماني مصدقه وعلمتني انهم في الاول استبعدوا ملفي وبعدين رجعوا له لما تأكدوا من القريه إنها تابعة لنفس المحافظه وقتها ابي أصيح وأحظن أمي الي قلقتها معي طوال الوقت ومالي سالفه إلا الوظيفه اشغلتها دخلت على أمي بصوت مبحوح ماني قادره أتكلم وخنقتني عبرتي وبكيت الكلمه وقفت بحلقي أدخلها الغرفه ويالله طلعت الكلمه وأبكي وأمي معي تبكي طبعا هي دموع الفرح دخلت علي أختي الحامل وانفجعت تقول وأشفيكم قلت ولا شيء هيء شكت طوالي قالت توظفتي قالت شوفي لوتوظفتي لوحدك أفرح لك بالذات أنه لك 10 سنوات لكن الفرحة تكمل لو كلنا أنا ماعلمتها قلت خليها شوي تحس
بعذابي وبرضه كنت خايفه أقول يمكن ماهو أنا ماقلت إلا لأمي وأختي الكبيره وزوجي كنت أذكر لما أقدم ومايطلع اسمي اتظاهر قدام زوجي بانه عاد لكن لما يجي اليل ابكي بحرقه مثل الطفل الصغير أنا اتذكر أبوي وأنا صغيره كانت تنزل علينا أمطار غزيره والشوارع زمان ماهي مسفلته كان لابس البسطار ورافع ثوبه وشايلني أنا وأختي وشنطنا حتى يودينا على المدرسه الموقف هذا مستحيل أنساه
بحياتي الموقف هذا لو صار لأي وحده فيكم أيش تتمنى أكيد تتمنى أنها تتوظف وترد لأبوها معروفه ونسيت أقول لكم أن أختي الحامل ولدت فجاءه وهي بالسابع انفصلت المشيمه عن الطفل وصار معها نزيف ولدت بعمليه سبحان الله رغم إنها ماتحس بألم
طبعا رحمتها وعلمتها إنها توظفت
ونسيت أقول أن أختي الي ساكنه بنفس مدينتنا ( سبحان الله ) جاها تعاقد على الرغم إني قلت لاختي لاتقدمي لها تعاقد ماراح يجيها ( استغفر الله ) وسافرت لمقر عملها وسكنت عند أهل زوجها
ويوم طلعت الاسماء اتصلت فيني وبشرتني قفلت الجوال وحظنت أبوي وبكيت وأبوي يسألني أيش فيك أقول يبه أنا اتوظفت أخيرا
وهو يقول الحمدلله الحمدلله دخلت على أمي وبشرتها هي عارفه من أول ولكن الآن أتاكدت ( أن الي شفته بالمنام رؤيا ) الله يشفيك يابوي
ارسلت رسايل لاخواني كلهم جونا وباركولي ومستانسين لكن أقرب الناس لي ماأتصل وهناني ولا أحد أتصل تخيلوا أبدا الا وحده من خالتي وجدتي فقط والباقي لالالالا
لكن أنا ماأنتظر منهم شيء هم كشفوا الي بخاطرهم
وبعد العيد مباشره رحت أنا وأختي الي ولدت وسوينا المقابلة الشخصيه وكان الاشراف في هذي المنطقة مستغربين كيف اتوظفنا وأختي سوت المقابلة زين الي ولدت والا كان ورطتنا بيقولو ا شلون حامل وانت بكرت أبوي يالله أحسن خيره وانتهينا من المقابلة الي كانت تتخللها الخوف ومراجعة الدروس والذكريات
ولميت أغراضي ونقلت ملفات أولادي وعفش بيتي وجيت لهذه المحافظه لكن الصدمه الي ماتوقعتها والي سببت لي رعب ؟؟؟؟؟؟
أكمل بعدين