رؤيا تهدم حياتي(...........)2

السلام عليكم ورحمة الله وبركاته


طبعا للي مايعرفون عن مشكلتي الي صارت هذا الرابط (رؤيا تهدم حياتي)
http://forum.hawaaworld.com/showthread.php?t=1606062


اخواتي اسأل الله العظيم ان يجزاكن الجنه يعلم الله اني قبل ساعه دعيت لكل من في المنتدى سواء من كان

في قسم الطبخ لاني قبل ثواني سويت صنفين حلا وطيعا روووعه وكل حلا احلى من الثاني وللي في منتدى البيع

والتجاره لاني للمره الثانيه اشتري منهم وشكر خااااااااااااااااااااااااااااااااااااااااااااااص للي شكيت لهم همي

وفضحت لهم سري وكانن لي ستر ونصح واخوات صادقات ومانسوني ابد لاني قبل فتره وانا بالعمل نصحت

احدى زميلاتي ولفت انتباهها لبعض التصرفات واشكي لها بعض همومي وصار بيني وبينها خلاف امام مجموعه

من زميلاتنا وماقصرت طويلة العمر جابت المبطي والجديد وهي تقول انتي تقولين وانتي صار لك كذا فقلت بنفسي

كيف لو اني شاكيه لها سري الي هو موضوعي الي قلته لكم عن رؤيا تهدم حياتي ويعلم الله انه مااحد يدري

عن هذا الموضوع الاا انتن الي كنتن خير بلسم لي بس ليلة البارحه رجعة المواجع تتقلب من جديد من الساعه 1 بالليل

دق الباب وطلعوا اعيالي وانه عمهم رجع من سفره وتخرج من الجامعه وطلعوا له اولادي يهنونه بالسلامه

اما وحده من بناتي الي كانت موجوده عندي قالت لاخوانها يقولون انها نايمه والله من البارح وانا مهمومه

وبين داعيه عليه وبين حسبي الله ونعم الوكيل وبين اترك الخلق للخالق وبين ان اعفو واتركه لله وقبل المغرب

اخذ عيالي للسوق وشرالهم هدايا الي يختارونها والي يبغونها ولما تجي بقلبي لحظات انه لو يدور بيني وبينه

لقاء او نقاش او يجي يدق بابي يطلب احد من بناتي او عيالي اني باطرده وماارد عليه السلام واقول وش تبغى

بعيال (....؟.....) علما اني تناقشت بالموضوع مع زوجي وطلب اني انسى الموضوع واني مااخلي عيالي

يحقدون على اخوه وبناتي للحين مااسلموا عليه لحد الحين وزوجي يشهد الله ان معالته معي تغيررررررررررررررررت

وبدا يحترمني بزياااده ولاينادني الا بام فلان ومهما طلبت منه يقولي ابشررري ويشهد الله ان زوجي يحترم اهلي

كثيييييييييير والامر مايخلي ان فيه من يفتن بين الناس وهو ناقشني عن كلام وصله من ابوي واقوله ناقش ابوي

على هالكلام ولكن يقولي بعض النقاش مافيه خير ويكبر الموضوع وهذول خوال عيالي واهلك ياام فلان لويجيني

منهم كل شئ هم على العين والراس وعلما بان كلامه عن اهلي كان قبل مشكلتي مع اخوه وللحين هو على رايه

والله قبل فتره طلبت مني بنتي الكبيره على وسيله انتقام او فكره حتى تبرد ناري ونارها فطلبت منها انها تنسي الموضوع

وتتركهم لله علما بانها ماوضحت الشخص الي تبغى تنتقم منه بس حسيت ان قصدها عمها فقلت لها كل شئئئئئ

سلف ودين فاذا انتقمتي وسعيتي بتدمير انسان فانتي بين شيئين : تنمين الحقد بقلبك واخاف عليك ان يصير لك مشكله

وتلقين الي ينتقم منك او تتسببين في مصيبه لحد اتركي الخلق للخالق واعفي يعفوا الله عنك

فايش رايكم والله اني محتاره خصوصا انه تخرج وبيكون جالس ومبلط عندنا بالبيت والاجازه 4 شهور وبعد الاجازه

كمان عندنا وكمان صالتي قريبه من مدخلهم الرئيسي فاكتشفت ان حماي الكبير كان يعرف بعض النقاشات الي

تصير بيني وبين زوجي ويجي ويتدخل بعدها بفتره وينصحني لاترفعين صوتك على زوجك او الموضوع الفلاني وكذا

لاني مااقدر بالنهار اتكلم مع زوجي لان اهله دايما عندي او يسمعون اصواتنا مهما كان وبعد فتره قال لي حماي

انه لما يجي احيانا يوقف عن باب الصاله ويسمع كل كلامنا وانا خايفة ان اخوه هذا يسوي مثله لان بنتي الكبيره

تقول مامجنني الا شئ واحد كل شئ بالبيت يعرفه ان كان موجود او مسافر كل شئ يعرفه

انصحوني وش اسوي اختكم في الله ام شموعه