رئي الناس فيني تاعبني ومضايق صدري

السلام عليكم ورحمة الله وبركاته
كيفكم اخواتي عندي موضوع وحبيت اقوله لانه مضايقني وابغى رئيكم زي ماتعرفه انا عندي ولد و4 بنات الله يحفظهم ويخليهم ليه وعمر بنتي الاخيره 10 اشهر ومن يوم ما ولدة كل من زارني يتحمد ليه بالسلامه اويشوفني في زياره او مكان يقلي خلاص يكفي ولاعاد تجيبي والى تمزح وتقلي تري اضربك اذا شفتك حامل خلاص خمسه يكفه اشتبغى اكثر ماعاد احد يجيب ولاد كثير زيك غير المعيره انت ما تجيبي غير بنات وهذا الكلام من اقرب الناس ليه مع انه عندي ولد وانا اموت في البنات والى تقلي انتي ارنبه ولا قطه وانا ازعل في نفسي خصوصا انه حتي امي تزعل مني لاقلت افكراحمل لدرجة اخر مره كانت زعلانه مني شهور والزعل هذا والكلام الى انا اعبره جارح من اهلى واهل زوجي وسلفتي تقلي انت بطه بس منفوخه قصدها الحمل مع اني فرق بي اولادي من 3 ال 4 سنوات والمشكله انه الكلام اثر في زوجي وصار يقلي خلاص يكفي و بنتي الاخير قال خلاص سبحان الله حملت من غير ترتيب الاني كنت ماشيه على الحساب وان الدافع للحمل اولا انا احب الاطفال و نفسي اسوي عيله كبيره والثاني ولدي من هو صغير الى الان يقلي نفسي باخ صحيح انا قبل 3 سنوات جاني الظغط بس حملت وربي سهل عليه الحمدلله ما ادري فين الغلط انا ولا هم وانا الان عمري 39 وافكر احمل دحين واربيهم مع بعض لان بعد الابعين اخاف الصحه ماتساعد وزوجي قلي انت حره انت الى بتتعبي مع العلم انا ما اقصير في حقه او حق اولادي وهذا كلام زوجي بس اقصر في الزيارات الا الضروري منها لكن خايفه من الناس وكلامهم وامي وزعلها مع انها تفرح لاخواتي وحريم وخواني لاحملوا
اسفه على الاطاله بس كلام كثير في صدري ونفسي اطلعه وما لقيت غير اخواتي افضفض معاهم