رائحة الجسم والجن و السحر (الله يوفقكم)/ قديم

السلام عليكم اولا بعطيكم نبذة عن حياتي انا وحدة متعلمة ومثقفة وعائلتي كذلك >> كنا من طول عمرنا ناس الكل يحكي فينا بارتياحنا المادي والمعنوي كذا صح في مشاكل بس كلها مشاكل عادية جدا ظلينا طول عمرنا لحد السنين الاخيرة انقلبت حياتنا راسا على عقب الماديات صارت سيئة جدا >> وهذا عادي بسبب سوء التصرف يعني ماله علاقة بالحسد وكذا صرنا نمرض امراض غريبة بلا سبب وهذا من قضاء الله وقدره وتعتبر ابتلاءات بعيدين عن بعضنا > وهذا كمان عادي لأننا من زمان بعيدين ولكن ع الاقل نعرف اخبار بعض اما الحين واصل المر لحد الكره او الكره الشديد بالنسبة لي وحدة اللهم لك الحمد جمالي عادي وشخصيتي فل الحمد لله بشهادة الجميع مثقفة اقدر اتعاطى مع كل الناس باحترام الحلو فيني اني انسانة ناجحة وين ما تحطيني اخذ كم يوم واتعلم كل شي واصير ناجحة ومحبوبة صديقاتي ما يستغنون عني علاقاتي كويسة جدا بالناس الموهم كان عندي مشكلة غريبة جدا من زمان وهي ظهور رائحة غريبة وكريهة لكن في واقات معينة فقط وقت الدورة + وقت الحر والصيف >>>> لحد هنا عادي جدا بس الغريب ان هالريحة بالذات تطلع بقوة وقت ما اكون محل اعجاب كنت اقول لنفسي يا بنت انتي نظيفة بالحيل ومستحيل تطلع منك ريحة وكنت ساكتة على هالشي سنين طويلة جدا بعدها شفت الوضع زاد عن حده ايام الجامعة اعتزلت الناس ايامها وكنت اغيب بالهبل مع اني شاطرة جدا ومو بس الشطارة الي خبركم اني احفظ واسمع لا الشطارة هذيك اللي فيها مناقشات واحيانا تطلع الدكتورة غلطانة مشكلتي ما كنت اعرف احافظ على نعمة ربنا ما كنت احس اني مميزة كنت احس انو عادي لما كان احد يسألني عن شغل ابوية كنت اجاوب ولما كانوا يسألوني عن راتبه كمان كنت اجاوب بحسن نية المهم من ذيك الايام لحد الان وانا حالي منقلب مع اني محافظة ع الاذكار وما احضر اماكن الغناء واللهو والزواجات اللي فيها موسيقى اصلا الزواجات ما احبها بس صرت اقعد لحالي مرة مرة كثير ولو قعدت مع الناس تجيني ضيقة صرت لما ادخل الحمام واطلع كل اهلي يقولون لي وش كنتي تسوين اقولهم كنت اقضي حاجة > يقولون نص ساعة قعدتي يعني الوقت يروح وانا مو دارية اريحة جسمي الكريهة قامت تزيد وتطلع لي علامات غريبة على وجهي يعني بقع وكل ما عالجت وحدة قامت تطلع لي الثانية واذا مو بقع تطلع لي حبوب وتترك اثر قوي جدا مع ان باقي جسمي ما فيه شي الناس اللي تحبني قامت تقولي يا بنت اهتمي بنفسك وش صاير فيك الناس اللي ما اعرفهم يمرون من جنبي ويسدون خشمهم بالصريح رحت قبل كذا عند طبيبين جلدية >> قالولي ما فيكي شي صلي ع النبي امي واختي الكبيرة كانوا معي وقالولي يمكن كلام الدكاترة صح > و انتبهي لأكلك لا يكون فيه بهارات وووو الاشياء اللي تطلع الريحة وبالفعل صار اكلي فواكه وخضار من غير ريحة بس بس نفس المشكلة داومت على هالناظام فترة طويلة وما تحسن الوضع وانا قاعدة اتصفح النت طحت على موقع رقية > لقيت فيه ان اللي فيه جن عاشق او سحر او عين ممكن تطلع منه ريحه تنفر الناس منه وتخليه معزول عن الناس انا هنا صابني الجنون خفت انا مداومة ع التحصين وذكر الله وأقرأ القرآن الكريم قولوي الحين انا وش اسوي بالضبط اروح لشيخ ولا اطنش لحد ما يتقدم بنا العلم شوي لأني كمان من فترة دخلت مواقع طبية اجنبية ولقيت ان عندهم مرض منتشر بلا سبب اسمه متلازمة (bo ( وهو عبارة عن رائحة تخرج من الجسم حتى لو الجو بارد وحتى لو الانسان نظيف هالمرض له علاقة بالغدة الدرقية اعتقد > المهم علاجه بتنظيم هرمونات معينة واخذ ادوية معينة واتباع حمية معينة وفي بعض الحالات يتم العلاج عن طريق ابر + صدمات كهربية لكنه ياخذ سنين لحد ما يتحسن الوضع انا الان مو عارفة شالحل يعني اعتزل الناس واقعد في البيت عشان ما اتعرض لاحراج ولا اروح لشيخ لأن ممكن اللي عندي عين او مس او سحر ولا استمر بحياتي وشغلي اللي صار ما عاد فيهم نجاح من الخجل اللي انا فيه انصحوني وادعولي