رائحة الحريق فالمطبخ

السلاام عليكم ،،

بنات بلييز ساعدوني واللي عندها أي خبرة او معلومه ياريت ما تبخل بها علي :( 

أمس احترق فرن كهربائي عندي فالمطبخ.. كيف وليش والله ما عندي فكرة ومو مستوعبة اللي حصل..
مشغلته وحاطه فيه كيك وقعدت فالصاله ، بعد أقل من نص ساعه شميت الحريق وركضت عالمطبخ والله كف ايدي ما شفته من الدخان فظيييع فظيييع اول مرة يحصل لي هالشي .. مو متخيله انه هذا كله بسبب كيكه ، اتوقع ماس كهربائي او شي في نظام الفرن لانه مفحححم صاير اسود من داخل. والمطبخ مليان دخاان منظر كان مرعب بصراحه.. والحمدلله الله ستر وجات عالدخان بس مافي نار ..
الحين المشكله رميت الجهاز وفتحت الدرايش والباب وشغلت المروحه نص يوم تقريبا ، ورجعت بخرته ولكن رائحة الدخان قوية جدا جدا ..
خليت الباب والدرايش مفتوحه طول الليل والريحه بعدها موجوده ،، لما شغلت المكيف اليوم ( اسبلت ) صار المطبخ يخنق .. زادت ريحة الدخان بشكل قوي وما اعرف شو السبب !!

فاللي عندي اي حل ياريت تساعدني ،،  كيف اتخلص من هالرائحه