رائع لتجعيد الشعر

السلام عليكم ورحمة الله وبركاته
أخواتي شابات المنتدى الكريمات ذوات الشعر الناعم والغير ناعم اللي ما يتجعد بسهوله .


عندي لكم اليوم منتج جديد ( يمكن مو جديد بس توني اكتشفه ) رائع لتجعيد الشعر بشكل مرتب .
انا شعري موب ناعم بس ما يتجعد بشكل حلو عشوائي كل شعره لحالها وواقف كن ما سكني كهرب 220 والنتيجه شوشه كنها مكنسه .

قلت اجرب هالكريم وحطيته يوم نشف شعري طلع تجعيده بالمره حلو ومرتب والتجعيدات مخصله
جربته وحده من اخواتي شعرها ناعم ( انعم من شعري ) وكانت تعاني ماتقدر تجعد شعرها بسهوله ويوم جربته طلع تجعيد شعرها حلو مره

فقلت اقول لأخواتي بالمنتدى اللي يعانون مع تجعيد الشعر وا يتجعد شعرهم بشكل عشوائي مثلي ..

الحين جا دور اسم المنتج ومعلومات عنه قبل لا تزهقون من كلامي
اسمـه: Lee stafford وتحتها مكتوب
curls 4
to defrizz, defluff and define

شكله : علبه كريم مدوره ( اسطوانية ) لونها فوشي فاقع لونها
علامتها : اعتقد انه شكل كلب لونه فضي على الغطاء .
الصناعة : made in UK صنع في انجلترا
لون الكريم نفسه : ابيض
سعرة : 24 ريال فقط ... يابلااااااااش

عاد طريقته مكتوبه عليه بس للي ماتعرف انجليزي اترجم لك الطريقة بشكل مبسط :

طريقة الاستخدام :
يوضع على الشعر اللي طوله لحد الكتف واطول ( ماعليكم منهم )
يوضع كمية تكفي حسب طول الشعر وعلى كامل الشعر وهو مبلل ( رطب ) بشكل متساوي وبحذر يعني لاتحطين على بعض الشعر وتخلين الباقي أو يكون مكتل على بعض الشعرات لازم بطريقة متساوية على الشعر ثم يمشط الشعر بعد وضعه مباشرة ثم يترك ليجف بشكل طبيعي .
احذري ………اللعب بشعرك بيديك بعد وضع الكريم وقاومي اغراء لمسه وانتظري حتى يجف تماما ( تراهم صادقين انا امسك نفسي عن اني المسه بيديني لأنه يكون متلبد وإذا طالعته ابي افككه بأي شكل وهو توه ما جف )
بعد أن يجف الشعر حركي شعرك ( هزيه ) أو رجي راسك ( بس انتبهي لا يجيك ارتجاج بالمخ ) وممكن تفككين الخصل او ترتبينه باصابعك ولكن شوي شوي لا تمشطين الشعر باصابعك شوي شوي عشان ما تخرب التجعيدات .لأن لو خللتي اصابعك بشعرك بشكل كبير راح تخرب التجعيدات .. شوي شوي يابنات - مو كني كثرت من شوي شوي -؟؟


:D يله اللي عندها سؤال تعلمني على طول لا تترددون ولا تستحون


اخيرا للي تبي تشوف شكل الكريم اضغطي على هذا الرابط .


http://www.staffordshouseofhair.com/effects/range/curls.htm