حبيبتي دنيا الوله الحمدلله ان ردة فعل زوجج جذي انتي لو تشوفين زوجي لما قالت الدكتورة ان احتمال بنت مع انه اول مولوود لنا شنو سوى حتى ماوقفت صياح تم ساكت كن احد عاطيه كف
انه اقول اهم شي سلامتي وسلامة اللي في بطني ولا علي من احد وانتي طنشي وطنشي وطنشي
:26:

اخواتي ....اخواتي.....اخواتي ....اشكركم من كل قلبي...وانا بصراحه احب ام زوجي مثل امي ولو ما كنت احبها واراعيها لانها وحيده بالبيت كل عيالها مزوجين في بيوت لحالهم وانا زوجي اخر العنقود وسكنت عندها بالبيت بالرغم ان غرفتي الواحد ما يقدر يا خذ نفس فيها ....انا وزوجي وبنتي والاغراض الخ والحين الله بيرزقني يعني اربعه بغرفه ما اعرف كيف...مع ذلك متحمله وضاغطه على نفسي من يوم ما تزوجت لاني احب زوجي واهله .....بس ما عليش دايم كبار السن ما يوزنون الكلام....
استغفر الله
وانا ادري وللعلم عندالله ان زوجي يتمني ولد بس في نفس الوقت هو ما معترض على نعمة الله لان كلزوج يحب الله يرزقه بولد يشيل اسمه ......ولكن الحمدلله ان زوجي حنون وفاهم ان الرجل هو المسول عن تحديد جنس البيبي ....... اما امي وخواتي كان الموضوع بالنسبه لهم جدا عادي سواء بنت او ولد امي الله يخليها دايم اتقول اهم شئ صحتك وصحة البيبي وانه ما يكون في شئ لاسمح الله....
\
اخيرا الله يرزق كل محرومه بالذريه الصالحه ويرزق كل وحده تتمنئ بولد والي تريد بنت يرزقها ببنت
الهي الهي احفظ لي زوجي وبنتي ولاتحرمني منهم وبارك فيهم وعافيهم.....واحفظ لي جنيني واجعله
كامل الخلقة والاخلاق يارب

الله يتمم لك حملك على خير
ولا تحطي في خاطرك مادام زوجك قنوع وراضي بقسمة ربه هو الأهم و الباقي مو مهم...

أهم شي رأي زوجك و لا تعطي السالفة اهمية عشان ما يركز زوجك على شي مو بباله و انت عارفة ان كله بأمر الله و أهم شي الطفل السليم و اللي الله يهديه سواء ولد او بنت

البنات نعمه كبيره ماينعرف قيمتهم إلا إذا كبروا
لانهم يكونون احن على اهاليهم من الاولاد

انا عندي 3 بنات وحامل الحين والحمد لله مافي احد يلمح من اهل زوجي او من اللي حواليني بس في شي يضايقني انهم كل ما يشوفوني يقولون بعطف وشفقه يارب هالمره يرزقك ربي بولد
يعني صراحه اسلوب الشفقه هذا مااحبه
وكل مره ارد عليهم عادي ولد او بنت المهم تكون صحته زينه