حاولي
أنا مثلك مرات يوم كامل ما اأرضعه من ززحمه االشغل 
بس يكون فيه ححليب خخفيف

مع مانع الحمل ماينفع ترضعينه
وحتى لو فيه حليب بصدرك بيكون غالبا قليل ومابيشبع منه

نصيحة يااختى رضعيه
وخذي على نفسك عهد انك تلتزمي برضاعته
مااااااافي زي حليب الام مفيد وخفيف على البطن وبدون مشاكل
وثبل كل شي استشيري الدكتورة في حالتك
موفقة

زوجك كلامه صحيح ومو صحيح ..

مافي فايده لو رضعتيه وتاخذي حبوب منع حمل مثل جنيرا .. هالحبوب تجفف الصدر من الحليب فكيف ترضعيه ؟ طفلك راح يمص فقط لفطرة موجوده فيه , لكن لو كبر وانتبه انه يمص بدون مايجيه مقابل يشبعه راح يزعل ويكره الرضاعة من صدرك لأنها مرهقه وتحتاج مجهود ,, لاحظي انه يعرق اثناء الرضاع حتى بالحليب الصناعي .. وبيستسهل الرضاعه من الزجاجه لانه يمص ويجيه حليب كثير بمجهود قليل .

صدرك راح يظل فيه شوي حليب لأن الهرمون لسى مرتفع , لكن مو لدرجة مشبعه له بسبب توقفك عن الرضاعه او حتى التقليل منها .

اذا جاده بالرضاعه الطبيعيه : اولا لازم توقفي هالحبوب وتاخذي حبوب تناسب الرضاعه مثل سيزارت او تستخدمي مانع غير هرموني مثل العزل .. الحبوب العاديه فيها هرمونات راح تنتقل له عن طريق حليب صدرك وممكن تضره .. وانتي جربتي ترضعيه وحصل له تحسس .

الثاني تشربي اشياء تحفز على عودة الحليب مثل الحلبه ومرق اللحم والاكثار من السوائل والعصيرات والسكريات مثل التمر او منقوع التمر والطحينيه والمويه وعلاج فقر الدم لو معك .

الثالث اشفطي حليب صدرك اللي موجود فيك الآن وكبيه .. لاتعطيه اياه لأن تركيبته تغيرت بسبب مرور الوقت عليه .

اسحبي وكبي يومين او حتى يرجع الحليب ابيض صافي وبكميه لابأس بها حتى لو 60 ملم .. الطفل راح يسحب اكثر من هالكمية لأن الرضاعه من الطفل تختلف عن الجهاز .

اذا طفلك لسى متقبل صدرك وانتي عندك عزيمه وصبر فياليت لو تحاولي , على الاقل ماراح يأنبك ضميرك لو حاولتي واجتهدتي .

الموضوع راح ياخذ ايام حتى تشوفي نتيجة مرضية .. ولاتسمعي كلام التحبيط واقري كثير في النت عن الرضاعة وطريقة اكثار الحليب .

ولاتقولي لأحد عن محاولاتك للعودة للرضاعة حتى لزوجك .. احيانا مراقبة الغير لك تسبب توتر وحزن واحباط اكثر خصوصا لو فشلتي وراح تظل هالتجربه ببالهم .. بينما انتي تقدري تعيدي التجربه حتى لو مع الطفل الثاني او الثالث .

الله يسهل عليك ويفرحك .