انا بكتب لكم تجربتي وخلاصه تجاربي

طبعا مثل الكل كان مضرب مثل وما اقدر امشطه وووووو.. الخ

بعد اول حمل تحول الي كابوس شكله استغفر الله غير طبيعي ويخرع ويبكي ويضيق الخلق فراغات شعري متقصف باهت منتف خفيف ووو

دكاتره مستشفيات امبولات حبوب ادويه من برا خلطات ابر بالراس!!! كل شي

بعدين استسلمت طبعا وضع مؤلم ان الكل حولك يتمتع بشعر صحي او على الاقل طبيعي الا انتي مو شعر خفيف لا صلع وراثي كل عرس ازمه وكل مناسبه ازمه والله المستعان

ومره كنت في صالون وكانت تستشور لي شعري باكستانيه سألتني ليش شعري بهالشكل سؤال محرج واجاوب كاني مسويه شي غلط واحط الاعذار وشلون كان شعري وشلون صارقالت لي بكل بساطه استعملي زيت دابر فاتيكا الاخضربس لازم تستمرين عليه وشوفي شلون بيتغير مدري ليه تقبلت نصيحتها انا اللي كنت فاقده الامل وحالفه ما عاد اعالجه ولا اهتم فيه حسيت كلامها كأنه امر احساس غريب وبسرعه طلعت منها على طول شريته واثناء مروري لاحظت دعاية لامبولات فيتشي طبعا اغلب الامبولات جربتهم الا هذيلا ماني خسرانه يا الله خلني اجرب مشيت نفسي علي نظام من عندي يوم وترك زيت دابر فاتيكا واغسله بشامبو دابر فاتيكا اطلع اطري اطرافه يا بريل كريم او في نقطه دابر فاتيكا وادلكه بامبوله او نصف امبوله والمه بربطه ومشيت علي هالموال ونسيته او طنشته بس ماشيه علي النظام مو كنظام اجباري لا خليته عاده لي تعودت قبل لا تحمم لازم ادهنه لو بساعه او نص ساعه المهم ادهنه ولما اطلع اكسر الامبوله وحاطتهم مع اغراض الشعر والمشط والكريم ومع الوقت والله العظيم يا بنات شعري بدت ترجع له الحياه قمت احس انه صار صحي وبدا يوقف التساقط .... شوي شوي بدا يتحسن وصار لي شعر ما اقول صار شعر خرافي او معجزه لااا شعري مقبول شعر مثل هالناس وانا اللي كل الدكاتره رحت لهم وكنت احس ان فروة راسي ارض ميته وشعري ميت باهت حتى الجلده كنت فاقده الاحساس فيها لدرجه ان واحد من الدكاتره بعد ما ذبحني بالابر بالفروه والله ان الدم كان يسيل والاشعه والعلاج طلع الشعر بوجهي ولما كملت سنه قلت له ما شفت نتيجه قال هذا اللي عندي وبالعربي ما فيه امل .... اهو وغيره من الدكاتره نفس الوضع ......

الخلاصه :

سوي تحاليل هرمونات ضبطي الهرمونات اذا فيها خلل اذا عندك فقر دم عالجيه استعملي نوع واحد من الامبولات خصوصا ان بعضها قوامها دهني وبعضها مائي انا ناسبني المائي اللي اهو امبولات فيتشي حاولي تستعملين نوع واحد من الحبوب المخصصه للشعر وزيت نوع واحد يعني بالعربي مو كل يوم لج نظام وطريقه وخلطه وزيت ووووو... امشي علي هالنظام خليه عاده يوميه بتشوفين تحسن لابد ما تشوفين تحسن بس لا تستعجلين وسعي الصدر وامشي علي الراحه.. انا حسيت بالنتيجه واضحه للعيان وااااضحه وضوح الشمس بعد سنه لا تسلوني متى وقف متى غزر لاا خلال سنه صار شعر عادي

وبالاخير اتمنا لكم شعري طبيعي يريح نفسياتكم

حطيتو ايدكم على الجرح
ااااااااااه
الله يعدلها

الله يساعدناااااااااااااااااااا

عجايب في زمن خايب شكراً على نقل تجربتك والله يمتعنا وإياكي بشعر صحي غزير وطويل ولامع

كلكم تعرفون سالفة شعري كل موضوع عن خفة الشعر اكتب حالتي :(

حبيت اصحح معلومات البنات عن بعض الشغلات <<<خبرة صارت من كثر الاستخدام

المهم انا دايم اقراء عن الشعر في المواقع الطبية وقراءت لأكثر من طبيب

ان الحناء ماتفيد الشعر فقط تجفف الطبقة الدهنية لكن ماتنبت الشعر

ايضا الثوم علاج للي عندها ثعلبة يعني الصلع الي عندها نتيجة الثعلبة

بحيث ان الثوم يعمل كمضاد حيوي ويقتل البكيريا الي تسببها الثعلبة

فقطططططططططططططط

الشئ الثاني قراءت كثير عن ان الزيت فقط ينعش ويلمع ساق الشعرة يعني مايأثر

على الجذور يعني الزيوت يقولون انها فقط تلمع او تمنع تقصف او تنعم

لكن يقولون ماتنبت انا قلت لكم عشان اريحكم من عناااااااااااء التجربة

المهممممممممم انا خلااااااااااص قررت استخدم ريجين 5% بس ياليت الي جربت

ريجين خمسة في المية تقول النتيجة لأنى قريت ان الريجين يابنات هو العلاج الوحيد

في العالم الى اثبتت النتائج انه فعاااااااااال اما العلاجات الثانية غير مؤكدة النتائج

فأنا شريت ريجين وقريت بالنشرة انه للرجال فقط ويمنع استخدامة للنساء وانا خفت

فهل عادى استخدم ابو خمسة في المية ؟؟

الشئ الثاني قريت ان ريجين في البداية راح يسبب تساقط بسبب سقوط الشعر الضعيف

وبعدها راح ينبت شعر

فنصيييييييييييييييييحة اقولها يابنات اغلب الخلطات الى تسمعون عنها ماتفيد

ولا اثبتت التجارب صحتها يعني تضييع وقت على الفاضي

تدرون شالي يقهر؟؟؟؟؟؟؟؟؟؟

نظرات العالم واسئلتهم

يعني انا كل مااشافني احد سألني عن شعري

:(

يالله يارب يرزقني شعر طبيعي والله مابية غزير ابية طبيعي بس