السلام عليكم طبعا الموضوع اكتر اكتر من رائع وللعلم احنا كشرقين اللون الغالب علينا الون الاسمر بس انا عندى اقتراح واظن كده الاستفاده هتكون اكتر والله اعلم ايه رايكم نحط صور للممثلات او اى نساء بدرجات سمار مختلفه ونرقمهم 1/2/3 يعنى مثلا اللى تحب توصف مكياجها تقول انا لونى الصوره رقم كذا او ان لونى قريب من الصوره رقم كذا ونيبدأ توصف المكياج اللى تستخدمه لانى اشوف ناس يقولوا انا افتح من هند صبرى بدرجتين طيب كذا تبقى سمرا ما عارفه اظن درجه السما ر محتاجه تحديد اكتر والله لو كنت بعرف احط صور كنت حطيت بس الله يجزاها خير اللى تحط الصور اذا ما تخالف شروط المنتدى طفشانه ليكى منى دعوه فى ظهر الغيب على اثاره الموضوع ده لانى صفر فى المكياج
موضوع جدا رائع واتمنى تكملوا وكمان أنا مع الاخت دنيا الريد وتحطون صور بدرجات سمار مختلفة حتى نقدر نستفيد اكثر وجزاكم الله الف خير
الصفحة الأخيرة
كني سمعت أحد يتكلم عن البشرة الحنطية و العسلية .. تناديني ؟ :)
أموت على اللون الحنطـاوي :23:
ممم الحنطاوي زي درجة لون مين يا ربي ..
أغلب العرب حنطاويين زي مثلا ايفا لانغوريا و سلمى حايك و افتح او اغمق منها بشوي ..
طبعاً لوني حنطاوي .. أنا الوحيدة كلهم بيض لكني أحسه لون جميل .. كل الألوان جميلة و الله ما خلق شيء قبيح أبداً :heart:
طبعاً البشرة الحنطاوية يصلح لها ألوان كثيييييييييير بس السر بإختيار اللون المناسب الي " يتناغم " مو لوننا الطبيعي
بالنسبة للأساس ..
لقيت بـ كلينك , و شانيل ألوان مناسبة للبودرة و كريم الأساس .. روحي و خلي البائع أو البائعه تطلع لك لون يناسبك .. بس من البداية قولي له أنك تبغين لون طبيعي مو ابيض ! لأنه عارف البنات يجون يطلبون أشياء مرة بيضة ! فيعطيك هو على اساس انك زي البنات تبغين شي مصطنع ..!
نصيحة لونك الطبيعي حلو:hearts: .. جمّـلية .. لا تقبحيه !
كمان سمعت أن ماكس فاكتور عنده ألوان طبيعية و مناسبة للبشرة الحنطاوية .. بس ماجربتها الحقيقة ..
بالنسبة للشـادو ..
كل الألوان حلوة بس شرط إستخدامها بشكل مناسب ( يعني مو زي المكياج الي يجي من طرف الخشم لين الأذن ! لأ المكياج الحلو .. :hearts: الي هو طبيعي و ناعم ..)
مع مراعاة استخدام الشيمر ( الألوان اللماعة للمسـاء أما الفاتحة المطفية للصباح ..)
الكحل و المسكارا
ما يصلح لنا إلا اللون الأسود لأنه الأجمل بنظري .. والأروق ..
طبعاً داخل العين ممكن إستخدام عدة ألوان ..
البلاشر ..
الأوان الخوخية .. البرونز .. و الحمرا الفاتحة و الطبيعية هي الأجمل
و الأفضل الإبتعاد عن ألوان البينك "الزهري " لأنه يبان مصطنع .. ممكن روز غامق بس باربي بينك مو حلو
الروج والقلوس ..
الروج بالدرجات المتوسطة .. الأحمر الفاتح .. الأورنج الفاتحة مو القوي .. و الوان الخوخية هي الأجمل بنظري
و القلوس يكون خفيف
الإضاءاة ..
أختاروها بألوان بعيدة عن اللون الوردي .. لأن اللون الوردي زي ماقلت لكم مصطنع بالذات الباربي بينك جداً مصطنع
الصبغات ..
أنا أحب شعري الطبيعي " لونه كستنائي بني متوسط " و إذا حبيت أغير فممكن أحط حنـاء
ما أحب أصبغ .. مرة
بس أشوف حلو للحنطيات الألوان البنية بدرجاتها
الوان الشوكلت روعه ..
الألوان العسلية " هازل "
ألوان الأحمر والبرغندي
إبعدي عن الأشقر البلاتيني .. الأشقر الفاتح .. ممكن خصلات خفيفة بالأشقر العسلي .. بس
العدسات ..
مرة أخرى ما أحب ألبسها أحب أكون على طبيعتي لون عيوني بني غامق ..
بس أشوف الألوان الحلوة هي الأخضر الغامق العشبي
العسلي بكل تدرجاته هو الأجمل و الأحلى:kiss:
الرمادي نص ونص
الأزرق مرة ابعدي عنه مو حلو بتاتاً
البشرة الحنطية و العناية بها ..
بشرتنا حلوة بالذات إذا كانت صحيحة و متعافية و نظيفة .. :a_smil08:
لذلك أحرصي عزيزتي الحنطة على بشرتك :22:
الي أنا جربته و جاب نتيجة :
أشرب ليترين موية
ما آكل وجبات سريعة او أشرب غازيات << عذاب بس معليش عشان صحتي ..
أنام بالليل << مهم
أحط الواقي وقت الخروج و الدخول أقل شي spf25
مستحيل أشـقّـر وجهي ..
لأن اللون راح يبان واضح غير أنه المشقر مادة كيماوية تعدم البشرة ..
فأشيل شعر الوجة بالخيط او الشمع أنظف و أحلى لأنه الوجة النظيف من الشعر يبان أجمل و المكياج حتى يطلع أحلى
انظف الوجة بالميلك والتونيك حتى لو مو حاطة مكياج مرتين باليوم
عندي مجموعة متكاملة للعناية بالوجة .. واغير كل مرة من ماركة شكل .. عشان البشرة لا تتعود .. و كمان مستحيل اشتري من الاشياء الرخيصة حتى لو ميزانيتي ما تساعدني (دائماً للأسف ) فاجمع فلوسي واحطها بمجموعه كويسة ولا اشتري من الكريمات الزئبق و غيره ..
عندي مجموعة فيتامين هـ من بودي شوب .. و حالياً راح تخلص فأفكر أشتري من كلارنس او لانكوم
أحط ماسكات مرتين بالأسبوع
أقشر البشرة يوم ايه و يوم لأ
الجسم ..
أكيد الشاور اليومي ما احلا منه بس عشر دقايق
( مجموعه الفراولة او اي شي من بودي شوب )
أسبوعياً احاول اسوي حمام زيوت ( اجيب زيوت مخلطة وادفيها و اسوي مساج للجسم كله ) ثم اعمل تقشير بالملح مع ماسك للجسم كله مثل ماسك السدر والموية
و حمامات مغربية اكيد
و حالياً ودي أشتري بنادي رياضي بس ميزانيتي :44: والنوادي جداً غالية
وبعد ودي أسوي برونزاج كامل للجسم والوجة بس مافيه صالونات أسعارها مناسبة ..
فالبحث جاري إن شاء الله
ولو عرفت مكان يسوي برونزاج رخيص أو نادي رخيص بقولكم
لأن الميزانية عدم !
يارب أفدتكم