السلام عليكم ورحمة الله
مسائكـــم / صبــاحــكمرضـــا وسعــادهــ
طبعا انا مثلك حست بعالم الخلطات والتخبيص الواجد والخساير ع الفاضي
وبالاخيــــر استقريت ع النـــظام اللي انا ماشيه عليه الحين
وبما اني استفدت بشكل كبير ولله الحمد حبيت افيدكم
وطبعا بعد طلب من بعض البنات انوو اسوي رابطه عشان اشجعكم << مايحتاج تشجععوني متشجعه من النتايج الحمدلله خخخخخ
المويهم راح اقولكم على جدولي بالتفصييييييل الممل
طبعا عشان ماانسى اهم شي اهتمي بنفسك اياااااااااام الدوره (( انسي الدلع خلاص ) واهتمي من قلب اعتبريه اسبوع تدلعين فيه نفسك بالنسبه للاكل واللبس والراحه
الحين نجي على يومي واهتمامي من جوا ومن برا
طبعا اهم شي الصحه واهتمامك الداخلي
المووويهم طبعا لازم لازم اقوم اصلي الفجر بوقتها واحيانا اقوم قبل الاذن اصلي ركعتين وادعي يووووو ياهذاك الاحساس روووووعه من جد مع اني الحمدلله اصلي كل صلواتي بوقتها بس صلاة الفجر غير غير غير احس بلذه وانا اقرى وانا ادعي سبحان الله
ربي يثبتني ويفتح على قلوبكم يارب
بعد الصلاه اشرب كوب مويه اعصر فيه ليمووونه واقرى الاذكار وارجع انام
طبعا الليمون مفيد اولا فيه فيتامين سي ثانيا يطهر الجسم من السموم
طبعا انا كنت اشرب المويه عاديه بدفا الغرفه بس قالو انوو لو المويه دافيه افضل وتعطي نتايج احسن وخصوصا لدهون البطن تذوبها فـ جبت الغلايه الكهربا وحطيها بغرفتي يادوب احط المويه فيها اجيب الليمونه وافكها من الكهرب ماتطول <<عشان ماتغلي المويه بس تكون دافيه واعصر الليمونه واشربه
واكل ملعقــة عسل كبيــرهـ
وارجع انااااااااااااااااام
ولمن اصلحى اشرب كوب مويه واروح اغسل وجهي ورقبتي بصابونة ديتول للبشره الحساسه وافرش اسناني
طبعا بالنسبه للاسنان اذا جيت انام انظفهم بالخيط واتمضمض بمويه وملح واحيانا بالغسول الو دنت
واغسل هذيك المنطقه بمويه دافيه وملح
عندي بثلاجه الغرفه حاطه مكعبات ثلج مويه ورد امررها على وجهي ورقبتي طبعا نسيت اقولكم اني سويت تقشير لوجهي وتوني مخلصه
ورقبتي شوي لونها غير عن وجهي لاني خفت اقشرها فــ امسح عليها بقطنه من تونر وايت بيرفكت من لوريال شويااات وادهنها بجليسوليد
طبعا الفطووور 7 تمرات + كوب حليب
وملعقة زنجبيل مطحووون
بعدها تقريبا بنص ساعه اشرب كوب عصير برتقال طااازجواكل نعناع ورق << خطييييير ينظف الجسم ويعطي ريحه حلوه
نجي للغدا اول شي ابدى فيه السلطااااااااااااات خصوصا البقدونس والجرجير والخس آكــــل كثير وبالاخير اكل رز ودجاج يادووب 5 ملاعق واقوم اشرب كوب لبن << والحمدلله
طبعا عندي حبوب فيتامينات لن عندي نقص زنك اخذ حبه بعد الغدا
والعصريااااات لازم فواكه طبعا يوميا لازم تفاحه واكل معها اشياء ثانيه حسب المتوفر وماانسى المويه كل شوي اشرب كوووب
والعشى عااادي اكل اي شي
وقبل انام اكل علبه زبادي اعصر عليها نص ليمونه واجيب فص ثوم صغير اقطعه وابلعه واكل الزبادي
بنات والله خطيييييييييره الحركه كان عندي افرازات وراااااااحت لمن سويت هذي الحركه
يعني سويها وودعي الافرازات والرطووبه بإذن الله لان الزبادي يعادل لك الوسط القلوي بالرحم
طبعا بين فتره وفتره اشرب شاي اخضر بالنعناع والزنجبيل
واحيانا بابونج
<< حسب المزاج مو بانتظام
وبين فتره وفتره اكل مكسرات جدا مفيده خصوصا عين الجمل بس مااكثر منها لانها دهوون وتطلع حبوب كثرتها
طبعا اذا جعت احااول قد مااقدر اكل اشياء مفيده مثلا بدال جبنة بوك اكل جبنه بيضاء مع زيت زيتون واجيب اوراق خس وبندوره واكل معها او مثلا طحينيه << ترا مفيده
او بيض مع زعتر << اوم الجوو بس ترا طعهما رهيب
ترا ماني مثاليه مررره احيانا اخبص خصوصا وقت الدوره لازم اكل شبسات وحلويات وببسي بي احاول قد مااقدر مااخبص كثير
خلصنا الاكل طيب نجي للعنايه الخارجيه
طبعا سويت خلطه العروسه او اللي تسمونها هنا خلطة شسالفه لجسمي بحطها للي مايعرفها
المقادير
صابونة غار مبشورة ناعمة جدا تنقعينها بكاس ماي ورد طول الليل
عشان تذوب
علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة
طبعا انا اخاف من الفكس ماحطيت العلبه حطيت ملعقتين بس
وطريقتي مثل ماقالت وحده من البنات ربي يسعدها نسيت اسمها المهم اتبعت طريقتها وتجيب نتااااايج رهيييبه
اسويها حسب الفضاوه احيان مرتين بالاسبوع واحيان مره وحده
احط الخلطه على جسمي وادخل خيمة السوناا اجلس ربع ساعه وطول هذاك الوقت افرك جسمي حركات دائريه
واطلع اغسل جسمي بمويه دافيه
واجيب الصابون المغربي البلدي ملعقتين واعصر ليمونه وملعقتين سدر واحطها على جسمي وادخل 10 دقايق ثانيه بخيمة السونا
واطلع اشطف جسمي بمويه حاره واجيب ليفة بودي شوب اللي شكلها قفازات وافرك جسمي
وبعدين اجيب سنفرة كاب + ملح البابايا واسكرب جسمي 15 دقيقه بتشووفين هوايل تنزل
طبعا اذا كان فيني طاقه احط بعدها مويه ورد ونشا 10 دقايق وخلاص انهي حمامي بمويه بااااارده
ولازم كل مره انهي حمامي بالمويه البارده
وشعري بهذاك الوقت اكون حاطه فيه فاشكول بالثووووم وحمام الهنا
وقبل ادخل السونا اشرب كوب مويه
واحيانا وانا جوا اخليهم يجيبوون لي عصير طاازج
طبعا لمن اطلع ارطب جسمي بجليسوليد واخففه بكريم فازلين بزبدة الكاكاو
طبعا لازم الجليسوليد لان ترطيبه عالي وبعد الحمام هذا وكثرة الفرك تحتاج ترطيب قوووي لان الجفاف يسبب سمار
ووباقي الاسبوع استخدم على جسمي جليسوليد خالطه معاه ليمون بنسب متساويه << بالثلاجه حاطتها
ادهن جسمي والبس بدلة السونا اجلس ساعه الى ساعه ونص واحيانا انسى نفسي 3 ساعات وادخل الحمام اجيب ليمون وملح (( الملح الخشن اطحنه ناااعم )و ملح البابايا وافرك جسمي
ولمن اطلع ارطب جسمي بلوشن فاازلين زبدة الكاكاو
<< طبعا هذي مو كل يوم يوم ورا يوم
وشعري شريت تونيك فازلين من كثر ما سمعت مدح
لمن البس بدلة السونا مره احط التونك ومره احط الخلطه هذي
وحده هنا ربي يسعدها عطتني طريقه حلوه للشعر لان شعري دهني وخرب قبل فتره من الصبغه وسويتها نتايجها رووعه بس اضفت لها اضافات من عندي وضبطت
وهي تجيبين علبة زبادي تعصرين ليمونه وتجيبين كراث وجرجير وبالخلاط وبعدها تحطين ملعقة حنا + ملقه سدر
واحطها على شعري 3 ساعات
واحط ماسك على وجهي ورقبتي ملعقة سدر + ملعقة نشااا ونص ملعقة بودره اطفال واذووبهم بالحليب العادي يكون بارد احط الماسك على وجهي قبل اتروش بنص ساعه
العصريات كذا اجيب المسحات الطبيه امسح وجهي و رقبتي فيها
وو قبل النوم اغسل وجهي بالصابون ورقبتي
طبعا انا ناقعه مرره مع مويه ورد وحاطتها بالثلاجه المره شويه ثقيله امسح على وجهي عشان الحبوب
وامسح رقبتي بالتونر وايت بيرفكت وبعدين ادهن رقبتي بس بكريم وايت بيرفكت تبع الليل الازرق
وادهن الهالات بزيت خالطه كميات متساويه ( زيت لوز حلو زيت زيتوون )) وملعقة زيت جنين القمح
يوم ايه ويوم لا
((ولشفايفي لونها شوي مغمق كنت استخدم كريم افالون الازرق ادهنهم قبل انام واذا صحيت ارطبهم بفازلين ))
<< كنت استخدمه استمريت شهر بس مافاد الحين قبل انام احط عليهم فازلين وعسل واذا قعدت الصباح افرشهم بفرشايه اسنان مخصصتها لهم
وارطبهم بلابيلوو بالورد سبحان الله ربا رمية من غيررامي كنت ابي اللي بالكرز وجاب لي اخوي بالورد طلع احسن من الكرز ترطيبه قوي
وركبي لونها شوووي فرق عن جسمي
نظفتهم بالحلاوه وجبت ليمونه وجلست افررررررررررك فيهم واخليها10 دقايق وا غسلهم بالمويه وجبت كريم جلييسوليد ودهنتهم والف عليهم البلاستك حق تغليف الاكل وانام ولمن اصحى اغسلهم بالليفه وادهنهم بجليسلوليد بانت النتيجه من اول مره وطبعا على حسب لو السمار عندك
امممممممم وشو بعد << خليتي فيها بعد هههههههههههههههههههه
لالا بنات بجد تحسوون انه طويل وممل بس لمن تسوينه مايتعب ابد
انا مااتعب منه واذا حسيت بملل مااضغط على نفسي عشان مااكرهه ويكفي وقت الدوره تاخذين راحه عن الخلطات
ماادري اضن كذا خلاص هذا اللي يحضرني اذا تذكرت شي اجي اضيفه لكم
اي صح المنطقه هذيك بعد الترويش اجيب مكعب ثلج موية الورد وامشيها عليها وبعدين ارطبها بالزيت اللي خالطته للهالات
وقبل انام امسحها بالمسحات الطبيه
طبعا مستحيل اطلع بدوون واقي الشمس
قبل احطه اجيب بودرة الاطفال واحط بيدي وامسح على وجهي ثمن احط الصن بلووك ( واقي الشمس)
طبعا هذا النظام ناسبني وناسب بشرتي وشعري عشن كذا اعطاني نتايج حلوه واهم شي فيه انوو عنايه صحيه من الداخل وهي اللي تعكس النضاره والصحه على بشراتكم
ملاحظه: بشرتي دهنيه وشعري دهني
طبعا ياربي لك الحمد اني شفت نتايج ترضيني
وحبيت انبهكم لشي مهم جدا جدا وهوو الدعاء والاستغفار له نتايج مثل السحر خصوصا الاستغار عن نفسي يوميا استغفر اكثر من 1000 مره اعد لحد مااوصل للـ 1000 والباقي مااحسب استغفر بكل وقت
قال عز وجل : (( فقلت استغفروا ربكم إنه كان غفارا * يرسل السماء عليكم مدرارا * و يمددكم بأموال و بنين و يجعل لكم أنهارا * ما لكم لا ترجون لله وقارا * وقد خلقكم أطوارا ))
(( اللهم اكفني بحلالك عن حرامك , و أغنني بفضلك عمن سواك ))
عاد الله الله بالدعوات الحلوه واخيرا خلصت كتااابه من العصر وانا اكتب تعبت
يلا مين تنظم لنااااا ...! ؟
اللهم لك الحمد كما ينبغــي لجلال وجهك وعظــيم سلــطـانــك
al.3noud.a @al3nouda_1
محررة برونزية
يلزم عليك تسجيل الدخول أولًا لكتابة تعليق.
ام مبارك1
•
رابطة حلووووووة ومشجعة
وللمعلوميه ترا اول ماتبدين النظام اذا بوجهك حبوب راح تزيد لان البشره تنظف نفسها وبعدين بالتدريج تخف لحد ماتختفي
الصفحة الأخيرة