راتبك ... وين يروح ؟؟

والله إني مثل حالتك وأردى
فلوسي ضايعة بعيادات التجميل
والأكل والشرب
وشهر أشتري ملابس للشغالة وإلي بعده ملابس لعيالي
وإلي بعده أسوي شعري كيراتين
وكل شهر أشوف لي دبرة أضيع الفلوس
ما اقدر أشوف ريال بالمحفظة
وإن ما لقيت مكان أضيع الفلوس سويت عزيمة لأخواني وخواتي
وصرفت عليها فلوسي كلها وارتحت هههههههه

ولا أجمع ولا ريال كل ما أقول بفتح حساب بالبنك لعيالي
ولا أفتح وتنزل فلوسي يوم بعد اسبوع ما تشوفين غبرتها
ولا أدري وين تروح

أكثري من الصدقة
الفلوس رايحة رايحة بس تروح في أجر
أحسن من تروح في الفاضي مثل حالتنا

ماني موظفه لكني لي مصروفين شهريين

واحد أصرف منه إذا أحتجت أما الثاني هذا فاتحه حساب في البنك أدخر فيه

قبل فتره قدرت أدخر مبلغ كبير الحمد لله و أشتريت فيه عقار بأسمي

و الحين بديت من جديد أدخر فيه من كم شهر دخلت جمعيه و طلعت جمعيتي وهي أول مبلغ دخل الحساب

و على فكره إذا أنتي من النوع اللي يتكلم في حلاله ووين يصرفه أقسم لك بالله وعن تجربه تنزع منه البركه

أقضو حوائجكم بالكتمان ماله داعي أحد يعرف أيش تملكين و على أيش تصرفين لامن قريب ولا من بعيد

نصيحه لك والله كنت أمشي و أتكلم ما بارك لي ربي برزقي لين مسكت لساني و كتمت حاجاتي عن الناس

الله يوفقك و يبارك لك و يرزقنا و إياك من واسع فضله

ماعندي راتب

بس انا من النوع اللي ماصرف على خرابيط

الله يبارك لكم

و الله يا بنات مااقدر امسك الفلوس احس قلبي يعورني و يدي تاكلني

بالنسبة لصرفة البيت شرب اكل هذي اشياء مهمة كل اسبوع نخرج نشتري الاشياء اللي بنحتاجها طول الاسبوع
وممكن نخرج نلف في المولات يعني تغيير جو لكن ما نشتري الا الشي اللي محتاجينه