راتبك و راتبي و جيبنا واحد يابو العيااااال !!

الملتقى العام

المشكله مستمره ونسمعها كثير
ودائما نلاحظ شكاوي الزوجات الموظفات من هالراتب
الي جاب للكثيرات الهم والمشاكل الاسريه وربما الطلاق


سوف اقدم لكم باذن الله الحلول المناسبه لهذا الراتب ..العله ..

قبل لا ( ابلش ) في الموضوع
ولي مايعرف كلمه ابلش اقول له ماعندك ثقافه شاميه للاسف

اولا
ليه بعض الشباب يبي يتزوج بنووته موظفه
لا تدر لبنا بل تدر دراهما نهايه كل شهر

يشعر بعض الشباب بقسوه الحياه
وانه من شبه المستحيل قيامه لوحده بتوفير حياه مستقره ماديا من خلال راتبه فقط
فلذلك يبحث عن موظفه او يجعل زوجته تبحث عن وظيفع تدر راتب

بعض الشباب يضع في مخيلته انه بيلهف كل ابو الراتب ويحطه في بوكه ويسكر عليه

وبعضهم يقول ابخليها تصرف على نفسها

واخرون من فئه الدشير قد يقولون سوف استغل راتبها في تقسيط سيارتي وسفراتي ... هههه يالهم من دشير

وهناك فئه تقول ماابي المس ولاشيء من راتبها بس حلو انه يكون لها راتب قد يفك زنقه وقت الحاجه


وفئه اخرى تقول ابيها موظفه عشان تشغل نفسها



وش تقول للشاب الي يبي زوجته تصرف عليه من راتبها ؟



طيب سؤال اخر الزوج الي يقول لزوجته العشاء عليك اليوم لانها موظفه وش تقول له ؟



طيب نستكمل الى محور اساسي اخر قبل شروعنا في صلب الموزوووء (الموضوع) !!!!




هل الزوجه الموظفه قادره على اداره مالها بحكمه ورزانه وعقلانيه ( اووه اكيد تذكرتو الرقص العقلاني هههه)


للاسف الموظفات اغلبهن يصرفن رواتبهن على الجوالات والميك اووب والعطور الفصاطين والجوارب والجزم اعزكم الله يا اخواني واخواتي
وايضا صرفها في الشوكوووولا و الاكل والسعسعه في اسواق المملكه والفيصليه وعويس وحجاب الخ من الاسواق النسائيه وغير النسائيه

لكن لوحظ ان بعضهن يجمعن رواتبهن وينفقونها في شراء ارض او بناء فيلا



وش هي نصائحك للموظفه الي تضيع راتبها في الخرابيط ؟
ج/ اقول لها كفاكي وانصحك بتحويل كل رواتبك لحسابي وسوف استثمر لك اموالك بحكمه هههههههه .


تلك كانت دعابه ...
في الحقيقه انا انصح الموظفه بادخار اموالها في حساب سري لدى البنك وعندما يتوفر مبلغ كبير معين تشتري به ارض او شقه تدر عليها اموال اخرى اضافيه وانصح كل بنت تحب الاستعراض بالجوالات كل شهر او تشتري كل شهر فستان جديد او خرابيط جديده انها تخفف شوي من هالتبذير .




طيب نجي الان الى صلب الموضوع

كيفيه التعامل الامثل مع راتب الزوجه


ابيكم تركزون معاي

كلكم


الحياه مشاركه وترابط بين الزوجين

الاصل في الدين ان الزوج هو الي يصرف وينفق حتى لو كانت الزوجه غنيه
وحتى لو كانت موظفه


يعني اياك ايها الزوج ان تفرض على زوجتك ان تدفع من مالها عليك او على امر انت مجبر شرعا ان تنفق عليه من مالك


لكن على الزوجه ان تكون مقدره للامور

لان زوجها وافق انها تطلع برا البيت وتتوظف

ويمكن ما تطبخ له

ويخف اهتمامها به بسبب الضغوط

وربما يقل اهتمامها ببيتها واطفالها


يجب انها تشارك شوي في مصاريف البيت


ولو بشيء بسيط


ولازم انها تقف مع زوجها في المواقف الصعبه


ولازم تقدر وضع زوجها المالي
هل يعاني من ديون
هل راتبه قليل
الخ

وتبني على الامر هذا


اذا الاساس هو
انت يا زوج لا عمرك تاخذ من فلوس زوجتك مهما كان الامر ولا تفرض عليها شيء ولا تلمح ابد


وفي نفس الوقت انتي يازوجه
خليك متفهمه للامور

يفترض الشغاله تكون من راتبك
وايضا السواق


وبعض مصاريفك الشخصيه


مع التشديد على ان الزوج لازم يمشي لزوجته الموظفه راتب شهري
حتى لو كان 500 ريال مثلا


اتمنى انكم فهمتو الطريقه هذي وهي سهله ويبيها تفاهم وحسن تقييم للامر من كلا الزوجين





هل اصبح الزوج من موظفه امرا ضروريا ؟
ج/ لا طبعا فانا اقول حتى لو كانت الحياه قاسيه ماديا فهذا لا يستلزم بالضروره الزواج من مدرسه


س/ طيب ماهي مميزات الزواج من موظفه ومزايا الزواج من غير موظفه ؟
ج/ اولا من مميزات الزواج من موظفه
1
ربما تخفف عليك بعض المصاريف
2
تنشغل بالوظيفه وتقدر تطلع على كيفك برا البيت
3
تطلعون مع بعض للدوام وتجون مع بعض
4
يمكن تعزمك على وجبه غداء او عشاء
5
يمكن تفاجئك بهديه اخر الشهر
الامر الاخر
من مميزات الزواج من زوجه غير موظفه
1
ليالي اكثر رومانسيه
2
تعلقها بك اكثر
3
اهتمامها بنفسها اكثر وببيتها واطفالها
4
تطبخ لك مالذ وطاب من الاكل الجميل اللذيذ


اترك المجال للحوائيات بالتعليق على موضوعي


لكم ودي

«الموضوع منقول»
9
3K

يلزم عليك تسجيل الدخول أولًا لكتابة تعليق.

تسجيل دخول

نفس مطمئنه
نفس مطمئنه
والله اغلب الموضوع كلام سليم ... تسلمي يا حلوه
لكن اللي وقفت عنده شوي .... انه يكون راتب السواق والشغاله عليها مسكينه ليش ؟؟
ويعطيها راتب شهري لو 500 .. وشوله الراتب الشهري خلاص يدفعه للسواق
احقن هذا صب هذا خخخخخخ

لا اله الا الله
**فراشه ورديه**
تعليق على كلامك كانت عندنا جاره وتسألني انتي موظفه قلت لا والله عاطله تزوجت وانجبت والتهيت بالحياه وزوجي مش مؤيد الوظيفه يقول انا اكفيك واي شي تبينه انا حاضر بس اهم شيء عيالي قالت احسن لك انا لي عشرين سنه مدرسه ماحسيت اني متزوجه لاني متحمله مسولية بيتي وعيالي وهو عايش حياته بعيد عننا ونصيحه اجلسي اميره في بيتك
خدين الروح
خدين الروح
أنا موظفة وفعلا كل المصاريف علي بيتي وعيالي وشغالتي وسواقي واجار البيت وليته بس على كذا أحيانا ياخذ البطاقة ويسحب وماتقدرين تقولين شي وغير كذا الأهل يشرهون والأخوان والأخوات
اذا كسيتي احد وماكان الا شي بسيط قالوا هذي كشوتها وهي موظفة فلذلك والله قعدة البيت أفضل الف مره
ولو هددتي الزوج بالقعدة وترك الوظيفة والاستقالة >>>بدري على التقاعد المبكر
قال ماعلي منك لو بريال أصلا أنا ماتزوجتك الا عشانك موظفة

هذي معاناة غالبية الموظفاااااااااااااااااات

أما بالنسبة لمميزات الموظفات والمقارنة بغير الموظفات
موشرط هذا راجع للوحده نفسها يعني ممكن الموظفة تنطبق عليها شروط الغير موظفة يعني ماشاء الله غالبية الموظفات طباخات وفنانات بأنواع الأكل والحلويات ومهتمات بأطفالهن وإذا على الخادمة ترى غالبية الغير موظفات عندهم خادمات بعد.....
وفيه موظفات ماعندهم خادمات
يعني هي ترجع لطبيعة الوحدة وقوة تحملها لشغل البيت سواء كانت موظفة او غير موظفة
غرك سكوتي
غرك سكوتي
سسبحان ربي
بوتيك مودرن
بوتيك مودرن
۩•.¸¸.•۩ سبحان الله والحمد لله ولااله الاالله والله ۩•.¸¸.•۩