راتبه ١٣ الف و مايصرف ...

تهاوشت مع زوجي ابي فلوس ابي مصروف لي و لعيالي ...
لي ١٠ سنوات متزوجه ومن اخذته وضعنا المادي فقر دين ثم دين ثم دين ... والديون كلها على السيارات ياخذ سياره يقول للعائله وسنه يبيعها ويطق قرض عشان سياره وليتها جديده الا مستعمله ....
ساكنه بشعبي اذا جاء المطر صب على راسي ، واذا بتروش ماعندي سخان لازم اغلي مويه ، ونص البيت مافيه كهرب
صرت سمراء و سمينه ومترهله و البشره معدومه وحزن و ضيق طفشت و زهقت ومليت وصبرت ... اشوف الحريم اللي حولي ماشاء الله بيت ملك و سياره جديده و سفريات و طلعات و تمشيات وهدايا و ذهب و فلوس و قطيات ...


تدرون وش قالي ؟
قال ( اعطيك ؟ انتي وش عطيتيني ؟ لا انوثه ولا طبخ ولا زين ولا اسنان ولا ريحه ولا اخلاق انتي بالنسبه عندي شغاله وبس ) ،،،
تبون تقولون اتحمل واصبر ،، اقولكن انه راتبه ١٣ الف ...
ابي الحل بدون تجريح ؟؟ ...