ياقلبي الي اعرفه انه اذا الوحده موظفه يكفي تشيل نفسها عنه يعني مايعطيها مصروف اما بقي فلوسه ماله دخل
ياقلبي حطي فلوسك في شي مضمون حتى ولو اخوك ولد امك وابوك لاتعطينه شي ولا تكتبين باسمه
فيه في شمال الرياض بيوت بالتقصيد تدفعين دفعه اولى وتستلمينها واجريها وقصدي المبلغ واجمعي عشان تشترين ارض وامني نفسك والأولى تعطين امك وابوك هم الي صرفو عليك وكبروك وتعبو عليك .اسمحيلي رجلك قليل ادب الوحده اذا ما عطته من نفسها يستحي يطلب من حرمه .
لا تغلطين غلطة بنت عمي ساعدت رجلها ووقفة معه ولما بنا البيت قل بنسكن بنص عشان مقدر اثثه قالت انا اثثه وكان عندهم شقه معزوله قال بيأجرها قالت اجل اجارها بيني وبينك رفض رغم انها دافعه اكثر منه بالبيت وتصرف على عيالها وتتفاجئ بانه متزوج مسيار له سنه ونص وكان يبي يحط المدام الجديده بشقه لما عصبت عليه وصار بينهم زعله مسكه والله اني ما اكذب من يدها وخذا عبايتها وطلعها مع باب الشارع وقال خل اهلك يجون ياخذونك وطلقها والي يقهر هي الي دافعه سيارة السواق بس للأسف كانت واثقه فيه وكاتبتها باسمه ورفض السواق يوديها بسيارتها وخلاها عند الباب لحد ماجواهلها وهذا هو جاب الحرمه ومبسوط معها متى مابغى ذب عياله عليها من دون مصروف وتركهم لحد اهي ما تتقضى لهم ويجي ياخذهم جاهزين

ليش اصلا تعطينة ياقلبي هو رجال يدبر نفسة

انا لو بمكانك راح اصبر علية حتى اجمع مبلغ محترم واشتري بيت باسمي
واسكنة واسحب التيس معي واقولة شوف ياانت رجال تصرف علي وعلى بيتك وعيالك
او تطلع بيتي يتعذرك

انتبهي تفرطين براتبك لزوجك لانة مايستاهل

الله يعينك ويفرج همك زوجك طمعان في راتبك واضح جدا

تبين نصيحتي وقفي تحويل فلوسك 4500 مرررره كثير !!!!

وإذا سأل وأكيد بيعصب ويمكن بيضرب قولي لو سمحت أنا عفت العيشه معك مادريت أنك متزوج راتبي أن كان قلتي قبل لاتزوجني؟

الشيء الي ضايقني في الموضوع أن مالك إلا 2 سنه متزوجه ويضربك ويأخذ راتبك,,, وين اهلك عنك إلا الضرب ماينسكت عنه الله سبحانه
كرم بني أدم وانت تهينين عمرك ,,, وظيفتك تمسكي فيها ماعليك منه وفلوس وقفي وطالبي بالفلوس الي حطيتيها وما أستفدتي منها وهالنوع من الرجال مو حسافه,,,
يكفي ذل وإهانه للمراه خلاص ملينا من سماع هالمشاكل الي المراه تؤخذ حقوقه عيني عينك والردود اصبري احتسبي ,,,,لا الاسلام دين

العدل والمساوه وحفظ للمسلمه حقوقه والرجل ملزوم يصرف عليه حتى وأن كانت غنيه,,, لا حول ولا قوة إلا بالله للأسف الشديد أستضعفك وحس بقوته وأنت عندك وظيفه تغنيك عنه وهذا سلاح بيدك مو سهل بس أحسني أستخدامه ,,,اشتري بيت أو شقه عن طريق البنك وقصدي على الأقل له مردود لك بالنهايه,,,
الله يكون بعونك ياااارب ويقويك على كل ظالم اللهم امين