يا اختي ما عليك منه... انتي اللي يحميك بعد الله القانون بالبلد اللي انتي مبتعثة فيها... قولي لزوجك ماني معطيتك مكافاتي لو تطول السما... و اعلى ما بخيله يركبه

شوفي لازم تشاركين معاه بالمصروف انا كنت اخذ منه ٨٠٠ دولار والباقي قاطه معاه بالشقه وكل شي لان مصروفه لحاله مايكفي كل احتياجاتنا طبعا خليه يعطيك منها تنبسطين فيها

راتب مرافقة المبتعث وأبنائه ينزل في حساب الزوج
لأنه معونة من الدولة له يصرف فيها على عيلته

وراتب المبتعثة ينزل في حسابها حسب ما أسمع
معناه حق للمبتعثة
عندها التزامات وكتب ومصاريف مواصلات وغيره

بس ترا كل شيء بالتفاهم والسياسة لا تخلون للشيطان عليكم مدخل عشان فلوس
فلوسك لك ولو لزم الأمر عطيه
أكيد تعرفين المكافأة ما تكفي لمتطلبات الحياة الأساسية ماراح أقول الثانوية
فحاولوا تتفاهمون وتصلون لحل يرضيكم ثنينكم

كتبت رد طويل وطار ودي اكفخ روحي :024:

بس لاجل عيونك بكتبه مره ثانيه :icon30:

كلمي زوجك وهو رايق

اقنعي زوجك يفتح حساب جديد بالبنك

احسبو مصاريفكم الاساسيه العامه مثل السكن والمواد الغذائيه وفواتير الكهرباء والماء والبنزين .....الخ

مثال : صارت مصاريفكم 2000 بالشهر اطلبي من البنك او سوي الحركه انتي من النت اول ماينزل راتبك يتحول للحساب الجديد 1000 من راتبك و1000 من راتب زوجك

البطاقه الجديده تكون مع زوجك يصرف منها عليكم .

والمتبقي من راتبك لك فواتير جوال ومصروف شخصي ، ايضا المتبقي من راتبه له فواتير جواله ومصروف شخصي .

احس هل الطريقه منصفه لك وله

بعد مب معقول هو يقعد على الحديده مايقدر يبل ريقه ولا بكوب كفي وكل المصاريف عليه مع هل الغلاء وانتي راتبك ماشاء الله بحسابك كامل وتدلعين روحك . ربي يحنن قلوبكم على بعض قولي آمييين .

انا قلت لك هل الكلام فقط لانكم مبتعثين والوضع مؤقت وصعب مع غلاء المعيشه بهل الدول ،،، لكن لو كنتي ببلدك انا ضد ان الزوج يأخذ من راتب زوجته ولو هلله وحده لان النفقه عليه يكفي انه تكفي نفسها بالصرف على نفسها بس يأخذ من راتبه او تشارك لا ماتعجبني هل الحركه ابدا .

هو من حقك اذا كان انتي مبتعثه وهو مبتعث كمان
بس لازم تتشاركون في الايجار و صرفيه البيت والباقي مفروض انه من حقك