راتب الزوجة واهل الزوج

السلام عليكم ورحمة الله وبركاته

اخواتي عضوات منتدى عالم حواء العزيزات لا اطيل عليكن ولكني اردت مشورتكن في موضوع الراتب
الاخت الموظفة بالذات تبدي لي رايها بصراحة راتبك هو حقك ولا خلاف في ذلك لكن لو شفتي ابوك في زنقه ماليه
واخذتي قرض تساعديه كمساعدة منك لابيك ومن دون ان يطلب منك ذلك هل تنتظري منه ان يعيد لك المبلغ
لاني سويت نفس الشئ للوالد الله يطول بعمره ولا فكرت ابد انه سلف لانها كانت مساعدة مني له اثناء تعمير البيت
المهم اني كل ما اسولف مع ام زوجي ونفتح موضوع الراتب تلمح لي بانالقرض اللي اخذته للوالد ماهو من حقه ياخذه لان البيت مصيره لاخواني وانا مالي شئ في النهايه وانه ماينفع الموظفة تصير تعطي اهلها ومن ذا الكلام صراحة رفعت ضغطي وجرحتني اكثر من مره بسبب ذا الموضوع ابويه انسان كريم ومعروف بهالشئ وبالعكس يعطينا ولا ياخذ منا مايبخل علينا بشئ ابدا هي تشوف انه الزوج له حق في راتب زوجته وانها سمعت فتوى انه من حق الزوج ثلث راتبها
المهم لووو مكاني وش تسوين ووش تقولين وكيف يكون تفاهمك معها

ارجو اللي عندها رد يجرح تسكت احسن والله اللي فيني كافيني