راتب الموظفه واضطهاد الزوج .. مشكلة صديقتي ؟؟

صباح الخير حبوبات .. كييييفكم .. ان شاءالله اموركم تمام ❤
اليوم بعرض لكم مشكله قد تواااجه الكثير من الموظفات سواء معلمات وغيرهم ..
مشكلة صديقتي مع زوجها .. الحين لها شهر واكثر عند اهلها والسبب .. الراااااتب .. والله من كثر قهري عليها عرضت لكم مشكلتها بدون ماتدري ادري لقافه فيني بس ممكن افيدها بكلامكم لان الاغلب فيكم فاهمات الحياه من كثر مافيها مشاكل وهموم صار عندنا خبره ..
المهم البنت توظفت معلمه ماشاءالله من سنتين وحست بأستغلال زوجها لها من اول شهر قبضت فيه الراتب .. يقولها صرافتك خليها معي .. وان بغت شئ مسكينه مكياج عطور ملابس يحاسبها على الصغيره والكبيره .. تقول ابي امتع نفسي سنين انحرمت وزميلاتي بالمدرسه يكشخون وانا ملابسي تنعد واكررها طول السنه .. ماكأنو عندي راتب وفلوس .. للأسف سكوتها عليه كان عشان هو يوصلها ويرجعها البيت .. وعشان عندها اربعه اولاد وان بغت تعطي امها او خواتها وتفرحهم من الراتب يهاوش ويرفض مررره .. وتسكت وتبلع الحسره .. حتى لدرجة رواتبها بالصراف ماتدري كم ينسحب منها .. لانه اي سحب وايداع يجي على جوال زوجها وهي ياغافلين لكم الله .. مدري وش استفادت من هالوظيفه 😠 المهم الي صار انه زوجها عنده ارض ويبي يبني البيت من فلوسها طبعا هي طيران علمت اهلها ووافقت تبي بيت لها ولعيالها .. بس اهلها قالوا خليه يسجل البيت بأسمك .. دامه راح يبنيه من فلوسك ماتضمنين الدنيا .. وقالت له .. وتشادوا بالكلام وعصب وظربها ورمى صرافتها عليها وقال يلا بيت اهلك تبين تمشيني على كيفك واهلك يلعبون براسك روحي واشبعي فيهم .. الحين لها شهر قطعت قلبي تكلمني كل يوم وتراسلني تبي ترجع مو مرتاحه عند اهلها هي وعيالها .. بس ابوها قال اذا بترجعين بشروط واولها بطاقة الصراف عندي ماراح اعطيك ويروح يلعب بفلوسك .. ومن هالكلام ..
وش راااايكم احس بعض الرجال مافيهم ذرة احساس وماينعطون وجه من البدايه .. انا نصحتها تجلس عند اهلها ولاترجع الا بشروط ابوها لانه ادرى بمصلحتها .. ودام وظيفتها عندها خلاص ماهي بحاجته يقلب وجهه .. تنرفزت والله .. الله يهدي سرها ويسعدها ويسخره لها 🌷
ايش رايكم يامعلمات .. ياموظفات اكيد عندكم خبره بهالاموووور 💰💰 ادعووولي بالوظيفه 😢