يا حبيبتي حاولوا تتصدقوا جزء من الراتب ان شاء الله ربي يبارك لكم فيه

راتب زوجي مثلكم ومايكفي وعلينا اقساط واجار بيت ب 18الف وزوجي مو راضي اني اشتغل

قولي يارب أستغفرك واتوب إليك والله انحنا بنعمة ياربي لك الحمد

أنا بقول لك كنا وين وصرنا فين والله العظيم ان زوجي كان يعبي البنزين بالدين واليوم ياربي لك الحمد يجي أخر الشهر ولسى

ربع الراتب موجود أذا مو أكثر وكلة بالتدبير يعني مانزل علينا فلوس من السماء لا هو هونفس الراتب

تخيلي كان مصروف البيت والفواتير والسيارة 900ريال لمدة سنة وحنا 4 أشخاص وخدامة وانا حامل يعني مصاريف مستشفيات

لا تسألين عن التفاصيل مشيت الأمور لمدة سنة لحد ماخلصنا جميع الديون وألحين مابقى الا قسط البنك ومصروف البيت حاليا
2000 ريال من غير فواتير ومن غير مصروفي انا وعيالي

انا حبيت أذكر لك تجربتي يمكن تفيدك وأسأل الله لك رزق مباركا وأدعي لي بأن الله يصلح عيالي ويسخر لي زوجي

ويكفيني شر عيال الحرام


لا تفوتك حملة رتبي حياتك المادية تراها السبب بعد الله لترتيب أموري المادية

مرحبا حبيبتي

انا راتب زوجي 4500 وعندي ولد والحمد لله مستوره

نتعشى برا في المطاعم اللي اسعارها معقوله مو غاليه وتكسر الظهر من مرتين الى 3 مرات في الشهر

اذا جينا نتمشى نروح اماكن مانصرف كثير واخذ قهوتي وحلاي والشاهي معي

وولدي اخذله بدلات بسعر معقول واستغل التخفيضات اخذ مقاسات اكبر من عمره تكفيه كم شهر

وحتى ملابسي غالبا اقش وقت التخفيض

وبقولك سر وللاخوات

قبل كان مصروفي مايجي نص الشهر الا بح ولاشي معي واستحي اطلب من زوجي

ألحين انا وولدي في نفس المصروف ونفس المبلغ والحمد لله يكفيني لين نهاية الشهر واحيانا يبقى مبلغ بسيط

هذا الحمد لله صار بعد ماسويت السر

كفلت يتيم انا وزوجي بمبلغ 300 فقط

انا 150 وهو150 ونفكر مع الزياده كل واحد يكفل واحد واذا الله راد وانفتحت علينا نكفل لولدي واحد

والله الشاهد صار يجي نهاية الشهر ومعي مبلغ

واللي يبقى احطه على جنب لين يصير معي مبلغ كويس مخليته للزنقات الشديده

جربي الصدقه

لو من مقاضي البيت مو لازم مبلغ

اذا جاب المقاضي خذي منها وتصدقي فيها والله يباركلكم فيها


جربوها اخواتي ماراح تندمون

عندي رقم واحد ثقه متكفل بأيتام وفاعل خير له نشاطات كثير اللي تبي رقمه تعلمني

عنده افطار صائم على رمضان ان شاء الله


بالتوفيق