راجعه لك ياديرتي.........لكن

بعد عشر سنوات من زواجي قرر زوجي الدراسه فالخارج سافرت معه ..وكلي امل الا ارجع لسعوديه الا
ومعي ولدي وبنيتي لاني كنت ناويه اسوي عملية طفل الانبوب ........وابد واثقه اني بأحمل بس اتخيل
فرحة امي وابوي وخواني وخواتي وانا داخله عليهم باعيالي ..لاني مليت اسير عليهم بدون اطفال يلعبون معهم زي بقية خواتي مشا الله عليهم ..وتخيل فرحتي انا وزوجي اتخيل خيالات كثيره سعيده
مابغى ادوش روسكم فيها لاني عارفه ان كل وحده محرومه منا تفكر فيها:(
تحملت الوحده والغربه سويت العمليه الاولى..........الثانيه .........الثالثه :09: والله ياغاليات ماقدر اوصف خلوها على الله ...حزن ...قلق ...تحطيم...مرض...وحده...غربه...الله يعظم الاجر...والحمدلله على كل حال.....حتى انتم ياغاليات مادريت عنكم الا من ثلاث شهور...مدري ويني عايشه..ليتني عرفتكم من قبل كان خففتوا عني شوي لكن قدرالله وماشاء فعل
مرت خمس سنوات كل يوم فيها عندي سنه..سنوات حزينه..مايعلمها الا الله احس اني كبرت فيها عشرين سنه زياده....
بعد اسبوعين راجعين ان شاء الله خلصناالدراسه........لكن راجعه انسانه ثانيه تغيرت كثير ..احس اني كبرت ومشاعري ونظرتي للحياة تغيروا.........الله يجبر كسر خاطري.........وخاطر كل مكسور.
سبحان الله.. في هالخمس اسنين صاروا البنات اللي اعرفهم اللي طفل صاروا ثلاثه واللي ثلاثه صاروا
سته ما شاء الله لاقوة الا بالله ..الله يباركلهم ويزيدهم ولا يحرمنا
يا الله راجعه وحيده كالعاده.. كنت افتكر اني باغسل جروح 10سنوات من الحرمان والمواقف المحرجه ...مدريت اني باضيف لها 5سنوات لكن عن10 سنوات ثانيه:(
الحمدلله كما ينبغي لجلال وجهه وعظيم سلطانه,,,,,,,,,,,,,,,,,,,,.
خواتي اسمحولي ...لكن ثارت شجوني غصب عني..
والله اني احبكم وادعيلكم..........وشكر خاص لاختي فزدق مملح.....والمسامحة........